LEXO PA REKLAMA!

SHKARKO APP

Arian Galdini, “shuplakë” Veliajt/ "Është një katastrofë politike dhe administrative për Tiranën"

30 Mars 2023, 13:16, Politikë CNA
Arian Galdini, “shuplakë” Veliajt/ "Është
Kreu i LRE, Arian Galdini

Kreu i LRE, Arian Galdini, ka radhitur disa nga arsyet përse ai do të do dëshironte të merrte pjesë në garën për kreun e bashkisë së Tiranës.

Galdini nëpërmjet një statusi në rrjete sociale e ka cilësuar Erion Veliajn si një katastrofë politike dhe administrative për kryeqytetin.

Duke ironizuar meritat që Veliaj ka si kryebashkiak, kreu i LRE theksoi se Tirana është kthyer në kryeqytetin afrikan të ujit.

Erion Veliaj sipas tij po kthen Tiranën në një qytet që po pasuron pakicat dhe po e kthen atë në kryeqytetin PoliBllokist.

Galdini e ka cilësuar Veliajn si një katastrofë politike dhe administrative për kryeqytetin.

"Pse doja unë të kandidoja për Kryetar Bashkie të Tiranës?

Sepse unë mendoj se Erion Veliaj është një katastrofë politike dhe administrative për Kryeqytetin…

Sepse Erion Veliaj është mishërimi i politikanit të krijuar nga “pakica”, të përdorur nga “pakica”, të investuar e rritur nga “pakica”, e të projektuar si “vijues” po nga “pakica”.

Sepse Erion Veliaj është politikani klient dhe personel në të njëjtën kohë…

“Pakica të prapaskenës” e prodhuan si model civil për ta shitur si “mëtonjës politik”.

Erion Veliaj është Sali Berisha e Skënder Gjinushi i Ramiz Alisë në vitin 1990, apo Lulzim Basha i Sali Berishës në vitin 2005.

Erion Veliaj është vazhdimësia e tyre…

Unë doja të kandidoja që t’ia thoja këto në sy e ballë për ballë…

Unë doja ta kisha përballë se sikurse ai është politikani dhe administratori i “pakicës”, e ka kthyer edhe Tiranën në Kryeqytet në shërbim e nën kontroll e zaptim total të “pakicës”…

Erion Veliaj ka vetëm dy merita:

1. Erion Veliaj e ka bërë Tiranën, Kryeqytetin Europian të Rinisë,

Kryeqytetin Europian të Sporteve

dhe

Kryeqytetin Afrikan të Ujit…

2. Falë Erion Veliajt, muzika e preferuar e çdo qytetari të Tiranës është:

Stresi,

Noizy,

Dua Lipa

dhe

Dua Ujë…

Zhvillimi që po i shet Tiranës me çmim shumë të shtrenjtë Erion Veliaj, është zhvillim prone për pasurim “pakicash”, jo zhvillim qyteti…

Tirana e Veliajt, është Tirana e Bllokut pa Gardë e Ushtri, por Bllokut me Çmim të Kripur…

Unë e doja Tiranën Policentrike, Veliaj po e bën Tiranën PoliBllokiste…

Kisha e kam një program shumë të detajuar, por nuk ia dola dot me firmat e kësisoj e humba shansin e mundësinë për përballje…

Siç duket, Erion Veliajn e donin mes Belindit dhe Belindës…

Po kujdesen “pakica” që Erion Veliaj të ketë përballë vetëm Belindën tek Partia dhe Belindin tek Bashkia…

Kandidatët e tjerë janë thjesht garues për garniturë…

Gara duket qartë si garë vetëm mes Veliajt dhe Belindit.

“Pakicat” duan që Veliaj të fitojë pa gatuar…

Fatkeqësisht…

Unë nuk kam ç’bëj më, ndaj zgjedhjet e 14 majit nuk janë më çështja ime…

Kush ka interes për 14 majin, suksese….

Unë kam zero interes për 14 majin…

Kaq.",shkruan ai/CNA.al

 

Lajmet e fundit nga