LEXO PA REKLAMA!

SHKARKO APP

Debate në Kuvend/ Spaho-mazhorancës: Keni bërë pazar me Bravën, nuk ju shpëtojnë votat e tij

21 Shtator 2023, 17:46, Politikë CNA
Debate në Kuvend/ Spaho-mazhorancës: Keni bërë pazar me
Deputeti i Partisë Demokratike, Edmond Spaho

Deputeti i Partisë Demokratike, Edmond Spaho debatoi me mazhorancën në Kuvend për rritjen e pagave të gjyqtarëve të Gjykatës Kushtetuese.

Spaho ngriti akuzat se Qeveria ka bërë Pazar me Lulzim Bashën, që PD-ja e vulës të votojë pro projektligjit të tyre.

Ai ngriti pretendimet se pavarësisht votave të PD-së së vulës, socialistët nuk do të shpëtojnë dhe nuk do të lavdërohen për rritjen e pagave të gjyqtarëve të Gjykatës Kushtetuese.

“Pavarësisht pazarit që keni bërë me Bravën, nuk i keni votat dhe po e shtyni nga java në javë, por nuk ju shpëton kjo pavarësisht ca votave të mira që do t’ju japë ai. Askush nuk do t’ju lavdërojë për këtë që po bëni që po I jepni anëtarëve të gjykatës kushtetuese, të cilët deri më sot kanë nxjerrë 10 vendime dhe të 10-ta në favor të qeverisë, në një kohë që ajo gjykata e mëparshme, që në një kohë konsiderohej si gjykata e Sali Berishës ka nxjerrë 37 vendime kundër Sali Berishës në kohën kur PD-ja ishte në pushtet”, theksoi Spaho./ CNA

Lajmet e fundit nga