web counter
LEXO PA REKLAMA!

SHKARKO APP

App Store
Google Play

Rama “dërgon” Kosovën në Këshillin e Sigurimit/ Mesazhe Serbisë dhe Gjykatës së Hagës

20 Shtator 2023, 18:30, Politikë CNA
Rama “dërgon” Kosovën në Këshillin e Sigurimit/
Kryeministri Edi Rama dhe Presidenti i Serbisë, Aleksandër Vuçiç

Kryeministri Edi Rama, gjatë fjalës së tij në Këshillin e Sigurimit të OKB-së, përmendi agresionin e Serbisë ndaj Kosovës dhe Gjykatën e Hagës.

Rama tha se ashtu si Ukraina, edhe Kosova u përball vite më parë me agresionin e shteteve që panë luftën si rrugën e shkurtër për të përbushur objektivat e tyre.

Kreu i qeverisë u shpreh se shtetet që kanë kryer luftëra janë munduar të keqpërdorin realitetin për të justifikuar ëndrrat e tyre neoimperiale apo makthet e tyre.

Ai theksoi se Gjykata e Hagës ka sanksionuar Kosovën për realitetin e ndryshuar dhe po shërben si pretekst për rrëmbim territoresh apo aneksim të paligjshëm.

“Dua ta përmbyll duke kujtuar përvojën e Ballkanit Perëndimor, e dua të kujtoj rrugën e mizorisë që mund të na sjellë dhe kostot e jashtëzakonshme që sjell për të gjithë, përfshi edhe për ata që janë autorët. Historia ka treguar se ata që kanë parë luftën si rrugë të shkurtër për të arritur objetivat e  tyre, në fakt kanë përfunduar duke u penduar vetë për të.

Në fakt, Rusia dhe të tjerë janë munduar ta përdorin apo më shumë ta keqpërdorin realitetin e ndryshuar në Ballkanin Perëndimor, sidomos lindjen e Republikës së Kosovës për të justifikuar ëndrrat e tyre neoimperiale apo makthet e tyre që kanë eksportuar në Ukrainë.

Pavarësisht sa përpiqeni, Kosova, pavarësia e të cilës është sanksionuar nga Gjykata Ndërkombëtare Penale, kreu 14 i kësaj karte të kombeve të bashkuara, Gjykata Ndërkombëtare Penale nuk mund të shërbejë si pretekst për rrëmbim territoresh apo aneksim të paligjshëm.

Në qoftë se paqja që zgjat në rajonin tonë sot është e prekshme, kjo ka të bëjë për së pari me mësimet e nxjerra”, nënvizoi Rama./ CNA





Lajmet e fundit nga