web counter
LEXO PA REKLAMA!

SHKARKO APP

App Store
Google Play

Rama nga OKB, thirrje Rusisë për grurin

20 Shtator 2023, 16:50, Politikë CNA
Rama nga OKB, thirrje Rusisë për grurin
Kryeministri Edi Rama

Kryeministri Edi Rama mbajti një fjalim për mediat në selinë e OKB-së para nisjes së mbledhjes së Këshillit të Sigurimit.

Rama përmendi efektet e dëmshme të luftës së Rusisë në Ukrainë, ndërsa dha mesazhe mbështetëse për Ukrainën.

Gjithashtu, ai i bëri thirrje Rusisë të nisë marrëveshjen e grurit, duke theksuar se qindra miliona njerëz po kërkojnë ndihmë për ushqim.

“Pas pak minutash Këshilli i Sigurimit do të mbajë debatin e parë të hapur të nivelit të lartë për ruajtjen e paqes dh sigurisë ndërkombëtare përmes respektimit të qëllimeve dhe parimeve të kartës së OKB-së në kontekstin e luftës në Ukrainë.

Siç jemi të vetëdijshëm, efektet e dëmshme të luftës nuk kufizohen vetëm tek Ukraina dhe Evropa, por vazhdojnë të përçojnë valë tronditjeje në çdo cep të botës dhe kërcënojnë sërish sigurinë e ushqimit në mbarë botën. Kjo është arsyeja pse duhet të mbetemi të angazhuar dhe të përkushtuar për të sjellë në Këshillin e Sigurimit të vërtetën dhe realitetin e trishtë të këtij shkatërrimi të panevojshëm dhe tërësisht të shmangshëm për tu përhapur dhe duke bërë këtë të kundërshtojmë atë mesazh të shtrembëruar që kërkon të justifikojë pushtimin.

Këtë ka bërë Shqipëria dhe shumë vende të tjerë në mënyrë konstante në këtë këshill. Na duhet të përkrahim rendin ndërkombëtar të mbështetur në rregulla që e ka vërtetuar edhe njëherë kundër profecisë se i fuqishmi ka të drejtë. Na duhet të mbrojmë aksionin shumëpalësh dhe të rezistojmë të gjitha forcave shkatërrimtare që kërkojnë të fragmentarizojnë më tej bashkësinë ndërkombëtare në një kohe kur duhet të jemi më të bashkuar në qëllime dhe veprime në përpjekje për të ndaluar lëtë luftë.

Ky takim është i nevojshëm për të ndarë mendime se si të shfrytëzojmë çdo mundësi për paqe. Të ndihmosh Ukrainën të vetëmbrohet duke ndalur Rusinë përçon mesazhin më të drejtë tek gjithkush që mendon të angazhohet në një aventurë të ngjashme nesër jep garanci për ata që kërkon paqe dhe bashkëpunim dhe paralajmëron ata që ëndërrojnë konfliktin dhe përballjen.

Do ta shfrytëzojmë këtë takim, duke i bërë thirrje Rusisë për të nisur marrëveshjen e grurit për hir të atyre qindra milionëve që kërkojnë ndihmë për ushqim e ndihmë nga Kombet e Bashkuara”, deklaroi kreu i qeverisë./ CNA





Lajmet e fundit nga