web counter
LEXO PA REKLAMA!

SHKARKO APP

App Store
Google Play

Takimi i opozitës në Kukës/ Xhaferri: Prova e mbështetjes së kandidatit Vata

19 Shtator 2023, 19:30, Politikë CNA

Takimi i opozitës në Kukës/ Xhaferri: Prova e mbështetjes

Kreu i FRPD-së, Besart Xhaferri ka komentuar mbledhjen e deputetëve të opozitës, këtë të martë në Kukës, duke e konsideruar si një provë të bashkimit.

Për Besart Xhaferrin, takimi i deputetëve të opozitës në Kukës, është prova e mbështetjes së kandidatit Emri Vata në zgjedhjet e 24 shtatorit.

Ai deklaron se bashkimi i opozitës do të kalojë përmes një rruge të gjatë, pasi thekson se nuk ka rrugë tjetër.

“Kukësi, beteja e parë e grupit të bashkuar parlamentar!

Grupi Parlamentar i Partisë Demokratike, që përfaqëson shumicën e votuesve të kësaj force politike dhe në përbërje të të cilit janë deputet që në zgjedhjet e 2021 mbushën hambarin e votave të Partisë Demokratike, sot në Kukës zhvilloi mbledhjen e radhës.

Ky takim ishte edhe në mbështetje të kandidatit të opozitës Emri Vata, ndaj Kukësi do jetë një provë e fortë se si opozita e bashkuar e mund këtë mazhorancë të kalbur nga krimi e korrupsioni, por edhe nga lufta e brendshme.

Ajo pakicë që ka zgjedhur të nëpërkëmbe vullnetin e shumicës së demokratëve, sot duhet të ndihet e turpëruar, pasi po kthehet në një mashë të pushtetit.

Bashkimi do kalojë përmes një rruge të gjatë, por rrugë tjetër nuk kemi nëse nuk duam që vendi ynë të përfundojë në kthetrat e autokracisë.

Unë si demokrat ndihem krenar që në Kukës, kërkoj mbështetjen për një kandidat si Emri Vata, i cili do jetë personi që do të rikthejë transparencën në këtë njësi vendore e mbi të gjitha, në krye të bashkisë do të jetë si Kryeshërbëtor i çdo kujt.

Këto ditë të mbetura ftoj këdo që ka mundësi të na bashkohet në këtë betejë, së pari për Kuksin e së dyti për Shqipërinë, pasi fitorja e Kukësit do jetë sinjal ndryshimi për mbarë Shqipërinë”, shkruan kreu i FRPD-së në rrjetet sociale./ CNA





Lajmet e fundit nga