LEXO PA REKLAMA!

SHKARKO APP

Braçe kërkon zgjidhje për pensionistët/ Tregon ku qëndron problemi

21 Shtator 2023, 12:12, Politikë CNA
Braçe kërkon zgjidhje për pensionistët/ Tregon ku
Erion Braçe

Sot në seancën parlamentare po diskutohet projektligji për fondet e pensionit privat.

Deputeti socialist, Erion Braçe është shprehur se ligji është skemë pozitive për shtresën e mesme, por duhet bërë akoma më shumë.

Sipas Braçes, problemi qëndron tek pensionet që marrin pensionistët jo tek ata që sapo dalin në pension.

Ai thekson se për ta duhet gjetur një zgjidhje pasi është e pamjaftueshme ajo që marrin.

"Në 5 vitet e fundit janë marrë vendime të rëndësishme por të pamjaftueshm për pensionet.

Cilido ka menduar për ata që do të dalin në pension dhe jo ata që janë në pension.

Ky është problemi që kemi. Është shumë i madh.

Ata që dalin në pension tani kanë një pension më të mirë se ata që janë në pension.

Nga 2018 e këtej është paguar indeksim më shumë 20.2 miliardë lekë. Bonus janë paguar 31 miliardë lekë. Përsëri nuk del dhe nuk mjafton. Duhet zgjedhje e re për ata që kemi në pension.", tha Braçe./ CNA

Lajmet e fundit nga