E fundit!

13:42 Aktualitet

A do të marrin pjesë në seancë plenare?/ PD mbledh nesër Grupin Parlamentar

Partia Demokratike do të mbledhë nesër paradite Grupin Par...

Nga Xhovan SHYTI/ Mësoheni Presidentin që Komunizmi bëri krime, jo gabime

23 Maj 2023, 20:22, Opinione Xhovan Shyti

Nga Xhovan SHYTI/ Mësoheni Presidentin që Komunizmi bëri krime,

Presidenti i Republikës, Bajram Begaj duke mbajtur fjalim për 50-të vjetorin e revoltës së Spaçit

Dy ditë më parë, në datë 21 maj 2023, presidenti i Republikës, Bajram Begaj ishte pjesëmarrës në 50-të vjetorin e revoltës së Spaçit, event ky i organizuar nga Dioqeza e Rrëshenit dhe Bashkia Mirditë. Me cilësinë e kreut të shtetit “antikomunist”, Presidenti Begaj mbajti edhe një fjalim lidhur me atë që përfaqëson ky përvjetor i 50-të, i një ngjarjeje që ka hyrë në historinë e trishtë shqiptare si “pikë kulmore e qëndresës antikomuniste”.

Përkundër kësaj rëndësie të eventit përkujtues, koha që presidenti Begaj i kushtoi vlerësimit të “pikës kulmore të qendresës antikomuniste”, ishte modeste. I servirur në trajtën e leximit të një kumtese të shkruar në një letër, tekstin e të cilës Presidenti ua përcolli të pranishmëve duke mos ja ndarë sytë formatit që e mbante midis duarve. Në këtë stil fjala e të parit të shtetit u duartrokitur formalisht, por nuk krijoi emocionin që të përcjell përshembull retorika përkujtimore e ngjarjeve nëpër kampet naziste të shfarosjes hitleriane, apo ato të gulagëve stalinist; ku njeriu sillej me njeriun edhe më mizorisht se një bishë e egër.

Një tip i tillë ishte Spaçi. Edhe gulag edhe kamp shfarosjeje në masë. Këtë e dëshmon historia e pandriçuar ende në trajtë epistolare, por edhe dëshmitarët e pakët të mbetur gjallë, fare pak prej të cilëve pjesëmarreshin në atë event përvjetori të 50-të të qendresës antikomuniste… Por le ta lemë deri këtu sjelljen presidenciale në përkujtim të revoltës, pasi kjo është më e pakta, më me pa qeder.Pasi më e pafalshmja gjendet në rreshtat e tekst-fjalimit të lexuar nga Bajram Begaj, me cilësinë e presidentit të Republikës “antikomuniste”.

Teksa apeloi për ndarjen tërësisht nga hija e një ndër periudhave më të errëta në historinë e kombit tonë, presidenti Begaj i vlerësoi si “gabime” të së shkuarës krimet e periudhës që kemi lenë pas, ku përfshihet dhe ngjarja e Spaçit së bashku me kampin famëkeq. Dhe sikur të mos mjaftonte as kjo e pavërtetë, pra zvendësimi i “krimit” me “gabimin”, fajin e një grushti kriminelësh të pushtetit, që polli gulagët, e artikuloi si borxh të gjithë shoqërisë. Duke na bërë të gjithëve ne "bashkëfajtorë e bashkëvuajtës”.

“Le të ndërtojmë ura mirëkuptimi, dhembshurie dhe ndjeshmërie, duke e ditur se nëpërmjet këtyre lidhjeve shpirtërore ne mund të krijojmë një të ardhme më të ndritshme për brezat që do të vijnë… Çka është më e rëndësishme të ndërtojmë të ardhmen, duke kërkuar falje për gabimet e të shkuarës, e duke u shkëputur tërësisht nga hija e periudhës më të errët të kombit tonë… Për këtë, e për gjithë betejat tuaja, shoqëria jonë ju ka një borxh të madh”, ishte artikulimi i drejtëpërdrejt i presidentit të Republikës së parë “antikomuniste” pas asaj Komuniste.