E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Modeli alla Erion Veliaj/ Edhe sa duhet të gëlltisë shoqëria shqiptare që të mësojë t'i refuzojë para se t'i vjellë?!

3 Tetor 2025, 20:47, Opinione Elona Caslli

Modeli alla Erion Veliaj/ Edhe sa duhet të gëlltisë shoqëria
Të rinjtë që zotohen për një politikë ndryshe nuk kanë munguar dhe nuk do të mungojnë në realitetin shqiptar. Ata do të shfaqen gjithmonë si shpresa e munguar e shqiptarëve në prag zgjedhjesh. Do të rrëfejnë historinë e tyre publikisht që zakonisht i përmbahet veçse një skeme;

Prindër pa arsim të lartë, familje me të ardhura të pakta dhe punê krahu që në vegjëli që përmbyllet me politikanin e ri që është zëri i të pamundurve, zëri i vuajtjes, zëri i të shtypurve.

Do të thonë se po i futen politikës jo për të përmbushur një ambicie apo vullnet personal, por për të ndërtuar Shqipërinë se në të kundërt nuk do t'i hynin fare politikës.

Fjalimet e tyre do të jenë të parashikueshme dhe fjalitë hyrëse do të jenë gjithmonë me erëza atdhedashurie. Fëmijët dhe familjen do t'i përdorin si kartivizitë për marrëdhëniet me publikun, ndërsa popullin do ta përdorin si alibi për të përligjur financat e tyre.

Do të puthen e do të përqafohen me popullin. Do të marrin hopa fëmijët e popullit dhe para kamerave do t'i përdorin si dekor të sloganit: Duhet ta ndërtojmë Shqipërinë për brezin e ri."
Këngë patriotike do të buçasin ngado. Flamuri kombëtar do të jetë logo e fushatës dhe nuk do të mbetet horr e rrugaç pa e valëvitur.

Ditën e votimeve do të shfaqen të buzëqeshur para kamerave duke ftuar popullin që i mbështeti financiarisht, të japë mbështetjen e fundit me votë.
Nuk do të kalojë shumë kohë, kur e gjithë fasada do të bjerë si një kështjellë rëre dhe populli do të shohë veçse një shfaqje që po e sheh për të disatën herë dhe modelin, që gëlltiti me shpresë, do ta vjellë me neveri.

Post Scriptum- Edhe sa modele alla Erion Veliaj do të gëlltisë shoqëria shqiptare që të mësojë t'i refuzojë para se t'i vjellë?!