E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Përse i kundërshton opozita zgjedhjet lokale?

2 Tetor 2025, 14:24, Opinione Mentor Kikia

Dekreti i Presidentit të Republikës për zgjedhjet në 6 bashki është debati më i nxehtë politik i ditës.

Juristët janë të ndarë, mes atyre që mendojnë se dekreti është antikushtetues, pasi Gjykata Kushtetuese e pranoi ankimimin e z. Veliaj dhe zgjedhjet duhet të pezulloheshin. Dhe, mes atyre që mendojnë se është i drejtë, pasi ankimimi duhej bërë në Gjykatën Administrative.

Padyshim që ky konflikt meriton të trajtohet jo në debate televizive, por në debate ekspertësh për të mbyllur shtigjet që lë hapur ligji për interpretime.

Por ajo që bën përshtypje është zelli i madh i opozitës për ta kundërshtuar dekretin.

Dhe këtu nuk besoj se ka ndonjë përpjekje për të mbrojtur z.Veliaj, as për të mbrojtur Kushtetutën, pasi dihet vlerësimi që ka ajo për dyshen Rama-Begaj. Por duket se opozita priste shtyrjen e zgjedhjeve pasi nuk është gati.

Nuk ka ende një marrëveshje politike mes partive opozitare për të bashkuar votën opozitare në një pikë të vetme. Nuk ka një emër që të shërbejë si përbashkues i ylberit opozitar.

Procesi mund të ketë një mijë probleme, por opozita këtu duhej të ishte gati. Ajo protestoi për rreth 2 vjet duke kërkuar largimin, dorëheqjen, arrestimin e kryetarit të Bashkisë së Tiranës. Pastaj, kur ai u arrestua, kërkonte shkarkimin e tij zyrtarisht dhe publikisht, dhe mbajtjen e zgjedhjeve. Dhe, kur zgjedhjet tashmë janë para, kërkon shtyrjen e tyre.

Padyshim që opozita është politikisht e traumatizuar. 16 vjet në opozitë, një mazhorancë absolute dhe agresive. Mbështetësit që i largohen për shkak të nevojës, joshjes, pesimizmit… Por, të fitosh garën në një bashki ku, duke filluar nga kryetari, shumë ish-drejtues janë në burg, do të duhej të ishte një punë jo e vështirë.

Në shoqëri jo që nuk ka votë opozitariste, por duhet një magnet i fortë t'i mbledhë, si grimcat e metalit. Dhe ky manget është lidershipi./ CNA