LEXO PA REKLAMA!

SHKARKO APP

App Store
Google Play

"Shaqiri më ka nisur video teksa këndon këngët e mia"/ Pas lajmit të bujshëm, reagon këngëtarja serbe

6 Dhjetor 2022, 19:40, Lifestyle CNA

"Shaqiri më ka nisur video teksa këndon këngët e

Ndeshja e disa ditëve më parë Zvicër-Serbi ishte një nga ngjarjen sportive që solli shumë reagime në Shqipëri, e kudo ku ka shqiptarë.

Jehona e këtyre reagimeve ka vijuar edhe sot.

Së fundmi ka qenë deklarata e këngëtares serbe Maja Nikoliç, e cila ka habitur gjithë opinionin publik.

E ftuar në një emision sportiv në Serbi, ajo ka komentuar zhvillimet në kampionatin botëror të Katarit.

Teksa po fliste për ndeshjen Serbi-Zvicër, gazeta serbe “Alo” kishte raportuar se këngëtarja kishte folur me Xherdan Shaqirin më parë dhe ndau bisedën me të.  

 “Ajo që njerëzit nuk e dinë është se Shaqiri më ka dërguar përshëndetje nga dhoma e zhveshjes ku kanë luajtur këngët e mia. Ata luajtën “Të gjithë më mashtruan” – tha Nikoliç e cila shtoi: U thashë, mos më përshëndetni, derisa të na kërkoni falje publike. Ku më gjete, turp të kesh atdhetar, si më pershendet? Nuk më intereson të më dëgjojnë zviceranët dhe disa Shaqirë që e urrejnë Serbinë. Unë thashë që urrejtësit e serbëve nuk duhet të më përshëndesin” – përfundoi Nikoliç.

Por si qëndron e vërteta? Pas bujës së madhe që bëri ky lajm ka reaguar vetë këngëtarja.

Përmes një postimi në rrjetet sociale ajo ka treguar se nuk është takuar kurrë me futbollistin Xherdan Shaqiri.

 “Ju lutem mos shkruani këto lajme të pavërteta. Mos më përfshini me njerëz të tillë. Unë nuk e njoh këtë njeri, ne kurrë nuk kemi pasur kontakte dhe nuk është e drejtë që të shkruhet për dikë që më ka telefonuar kur ne nuk jemi takuar kurrë. Ajo ishte thjesht një video nga një show, por mediat e kanë deformuar deklaratën time”, shkruan ajo.

"Shaqiri më ka nisur video teksa këndon këngët e

Lajmet e fundit nga