web counter
LEXO PA REKLAMA!

SHKARKO APP

App Store
Google Play

E fundit!

x

Ngrihen dyshime/ Kate Middleton e bëri videon nën presion

4 Prill 2024, 16:05, Lifestyle CNA
Ngrihen dyshime/ Kate Middleton e bëri videon nën presion
Princesha e Uellsit, Kate Middleton

Tashmë ka shumë dyshime, se Princesha e Uellsit, Kate Middleton e regjistroi nën presion videon e 22 marsit, duke zbuluar diagnozën tronditëse të kancerit.

Me sa duket, ajo ndihej e detyruar të ndante lajmin, dhe donte të qetësonte të gjitha teoritë e shfrenuara të konspiracionit për shëndetin e saj.

Një burim tha se Pallati Mbretëror e shpërndau videon pasi ndihmësit mësuan se diagnoza e saj ishte zbuluar. Pallati u kontaktua nga dikush që kishte mësuar për diagnozën, duke i lënë Princeshës së Uellsit dhe ndihmësit e pallatit pa alternativë veçse të përpiqeshin të “përparonin historinë”, tha një i brendshëm për rubrikën Ephraim Hardcastle.

Nuk është e qartë se kush ishte “personi” që kontaktoi pallatin, por mund të kishte qenë një përfaqësues nga një gazetë apo tabloid që po përgatitej të publikonte historinë, sipas Daily Mail.

Gjithashtu nuk është e qartë se si u zbulua lajmi, por ka pasur shqetësime se privatësia e princeshës është shkelur në Klinikën e Londrës, ku ajo iu nënshtrua një operacioni abdominal në janar.

Përpara se Kate të shfaqej në videon e saj, u shfaqën raporte se një hetim ishte nisur në spitalin e famshëm të Londrës, pasi u mësua se punonjës të paidentifikuar thuhet se ishin përpjekur të aksesonin të dhënat e saj private mjekësore./ CNA





Lajmet e fundit nga