E fundit!

14:30 Politikë

PD çon "Aktivistin" në SPAK

Partia Demokratike ka dërguar një kallëzim në SPAK kun...

Vangjush Nikolicari, thirrje ministrisë së Kulturës/ Merr masa urgjente për dy kishat në Voskopojë

24 Janar 2023, 17:20, Kulturë CNA

Vangjush Nikolicari, thirrje ministrisë së Kulturës/ Merr masa

Kreu i Shoqatës "Rilindja e Voskopojës 1929", Vangjush Nikolicari, ka bërë një thirrje për ministrinë e Kulturës dhe Bashkinë e Korçës.

Me anë të një statusi në rrjetet sociale, Nikolicari kërkon që ministria dhe bashkia të marrin masa urgjente për meremetimin e çative të dy prej kishave të mbijetuara të Voskopojës, atë të Shën Mëhillit dhe atë të Manastirit të Shën Prodhromit.

Ai thekson se nëse këto dy kisha lihen në mëshirën e fatit rrezikojnë të dëmtohen shumë, deri në rënien e tyre.

"Në emër të Shoqatës "Rilindja e Voskopojës 1929" i bëjmë thirrje Ministrisë së Kulturës si dhe Institutit të Monumenteve të Kulturës të marrin masa urgjente për meremetimin e çative të dy prej kishave të mbijetuara të Voskopojës, atë të Shën Mëhillit dhe atë të Manastirit të Shën Prodhromit, të cilat nëqoftëse lihen në mëshirën e fatit rrezikojnë të dëmtohen shumë, deri në rënien e tyre. Janë kisha të ndërtuara nga paraardhësit tanë qysh në shekullit 17, që bëjnë pjesë ndër 8 kishat ekzistuese sot nga 24 që ka patur Voskopoja në kohën e lavdishme të lulëzimit të saj në mes të shekullit të 17.

Voskopoja është një nga destinacionet më të rëndësishme të turizmit dhe trashëgimisë kulturore në vendin tonë, e njohur në mbarë Europën. Është turp për shtetin tonë që të mos mirëmbaje dot ato pak monumente kulture të mbijetuara deri në ditet e sotme në Voskopojë. Voskopojarët me punën dhe investimet e tyre kanë lënë gjurmë në shumë vende të Ballkanit dhe Europës, dhe sot, ne dhe shtetit tonë na del për detyrë t'i mbrojmë këto vlera, sepse kjo është historia jonë. I bëjmë thirrje Bashkisë Korçë, të marrë në dorë situatën emergjente të njësisë së saj administrative, Voskopojë", shkruan Nikolicari./ B.A. - CNA.al