LEXO PA REKLAMA!

SHKARKO APP

“Enver Hoxha”, një nga 10 librat më të mirë të Luftës së Ftohtë/ Mediat Britanike: Blendi Fevziu, i nënti në listë

28 Dhjetor 2022, 17:08, Kulturë CNA

“Enver Hoxha”, një nga 10 librat më të mirë

Media britanike, "The Guardian", i ka kushtuar vëmendje librit “Enver Hoxha”, të gazetarit Blendi Fevziu.


Në listën me 10 librat më të mirë, libri Enver Hoxha i gazetarit renditet i nënti.
Në artikullin e veçantë, shkruhet se Shqipëria ishte një nga vendet më misterioze gjatë Luftës së Ftohtë.


Më tej, "The Guardian" vijon komentin duke shkruar se vendi ishte i izoluar jo vetëm nga shtetet komuniste por edhe nga diktatori i saj Enver Hoxha.
Libri i Fevziut, shkruan media britanike, është një rrëfim tronditës, ku tregon se Enver Hoxha vendosi ligje të forta për shqiptarët.


“Asnjë vend në Europë nuk ishte më misterioz se Shqipëria gjatë Luftës së Ftohtë. Vendi ishte i izoluar, jo vetëm nga shtete komuniste por edhe nga dikatori Enver Hoxha, që në fakt e trupëroi kombin e tij nga të gjitha anë”, thuhet në artikull.


Teksa e lexon, biografia e shkruar nga Blendi Fevziu është tronditëse. “Si i ri, Enver Hoxha flinte deri në mesditë, qëndronte zgjuar deri natën vonë dhe nuk kishte interesa të veçanta, por mori vendime jetësore, duke vendosur ligje shumë të ashpra dhe të forta për shqiptarët”, shkruan "The Guardian".

“Enver Hoxha”, një nga 10 librat më të mirë

10 librat më të mirë, sipas “The Guardian”:

Lista nis me librin e “Tetë Ditë në Jaltë” nga Diana Preston
Libri i Preston-it 2020 është një përshkrim i mënyrës sesi liderët aleatë të “Tre të Mëdhenjve” u mblodhën në Krime për të arritur një marrëveshje jo të lehtë për të ardhmen e kontinentit dhe sferat përkatëse të ndikimit të vendeve të tyre. Konferenca e Jaltës e shkurtit 1945 ishte një ngjarje politike jashtëzakonisht e rëndësishme. Por Preston gjithashtu fokusohet në preferencat personale dhe dobësitë e Churchillit, Roosevelt-it dhe Stalinit, dhe se si ata lundruan në vijat e kuqe të njëri-tjetrit.

2. The Third Man (Njeriu i Tretë) – Graham Greene
Hetimi i vdekjes së Harry Lime tregon Qytetin e Ëndrrave të pasluftës. Greene gjithashtu paraqet në plan të parë një nga çuditë më të mëdha të luftës së ftohtë, Patrullën Ushtarake, Ndër-Aleate të Vjenës.

“Enver Hoxha”, një nga 10 librat më të mirë

3. Gjaku dhe Rëra- Alex von Tunzelmann

Kjo perlë e rrallë fokusohet në dy nga ngjarjet më të mëdha të periudhës, krizën e Suezit dhe Revolucionin Hungarez.

4. Berlin 1961: Kennedy, Hrushovi dhe vendi më i rrezikshëm në tokë - Frederick Kempe
Viti 1961 shënoi një nga momentet më të rëndësishme të Luftës së Ftohtë. Kempe e dërgon lexuesin në një udhëtim pas në kohë, atëherë kur autoritetet sovjetike dhe ato të Gjermanisë Lindore përpiqen të zgjidhin konfliktin e Berlinit Perëndimor. Një ishull i kapitalizmit, Berlini Perëndimor konsiderohej si një rrugë shpëtimi për gjermanët që jetonin në lindje të vendit. Më shumë se 2.5 milionë njerëz ishin larguar në fshehtësi deri në vitin 1961. Hrushovi dhe regjimi i vendosur në Gjermaninë Lindore ishin të vendosur t’i jepnin fund kësaj situate. Për njëfarë kohe, dukej sikur ata do të mund të pushtonin Berlinin Perëndimor, por në fund ata arritën të bllokonin gjermano-lindorët për 28 vitet e ardhshme.


5. Spiuni i ardhur nga i ftohti - John le Carré
Kjo listë librash do të ishte e pa plotë pa Le Carré. Ky cilësohet një nga librat që e sjell më pranë lexuesin në historinë e Murit të Berlinit. Një libër që flet për një periudhë të errët, cinike që mbetet e tillë edhe pas gjashtë dekadash. Mbi të gjitha mbetet një libër që mbërthen lexuesin nëpërmjet rreshtave të tij. Në fund të historisë së këtij libri, heroi kryesor agjenti britanik Alec Leamas, përballet me realitetin e Murit të Berlinit teksa mbërrin në Gjermani.


6. Maxim Leo - Historia e familjes nga Gjermania Lindore
E mira, e keqja dhe e shëmtuara e jetës së Gjermanisë Lindore janë para nesh. Pjesa më prekëse përshkruan vizitën e parë të Leos në një pikë kontrolli të madh rrugor të Gjermanisë Lindore.


7. “Soviet Milk” - Nora Ikstena
Romani i shkrimtares letoneze të vitit 2015 hedh një vështrim të ashpër ironik ndaj jetës, përmes syve të një doktoreshe që dëbohet në një fshat të largët vetëm për ta gjetur veten duke menduar për absurditetet dhe padrejtësitë e të ashtuquajturit "socializëm i pjekur".


8. Përgjatë rrugëve të Pyllit: Një udhëtim në gjurmët e Perdes së Hekurt - Anthony Bailey
Libri i Bailey-t ishte një frymëzim për udhëtimin tim me Perde të Hekurt. Ai udhëtoi përgjatë Perdes së Hekurt, ndërsa ndarja ishte ende e palëvizur, duke shkuar nga maja e kufirit të gjermanëve në Trieste. Libri i Bailey përmban shumë reportazhe magjepsëse. Autori arrin me të vërtetë “të hyjë nën lëkurën” e njerëzve të zakonshëm dhe të transmetojë se çfarë nënkuptonte kufiri për ta.

“Enver Hoxha”, një nga 10 librat më të mirë


9. Enver Hoxha –Blendi Fevziu

Asnjë vend në Europë nuk ishte më misterioz se Shqipëria gjatë Luftës së Ftohtë. Vendi ishte i izoluar, jo vetëm nga shtete komuniste, por edhe nga dikatori Enver Hoxha, që në fakt e turpëroi kombin e tij nga të gjitha anët. Teksa e lexon, biografia e shkruar nga Blendi Fevziu është tronditëse. Si i ri, Enver Hoxha flinte deri në mesditë, qëndronte zgjuar deri natën vonë dhe nuk kishte interesa të veçanta, por mori vendime jetësore, duke vendosur ligje shumë të ashpra dhe të forta për shqiptarët.


10. Arinj që vallëzojnë - Witold Szablouski
Një gazetar polak, udhëtoi nëpër Evropën Qendrore për të shkruar këtë libër mendimtar./ CNA.al

Lajmet e fundit nga