E fundit!

12:25 Aktualitet

Shitja e "Top Channel"/ Berisha nuk kursen Vjollca Hoxhën: Ke kryer krim

Kreu i PD-së, Sali Berisha, ka reaguar pas lajmit të p...

Kompozitori i këngës 'Pyes Lotin' "shpërthen" ndaj Elsa Lilës dhe Capital T/ Shpërfytyruat këngën, nuk morët as leje!

22 Dhjetor 2022, 15:49, Kulturë CNA

Kompozitori i këngës 'Pyes Lotin' "shpërthen"

Mbrëmjen e djeshme të “Festivalit të Këngës”, artistët pjesëmarrës performuan në duet me një artist tjetër të zgjedhur nga vetë ata.

Elsa Lila u rikthye në këtë festival pas 25 vitesh, dhe performoi këngën “Pyes Lotin”, së bashku me reperin e njohur Capital-T.

Kjo është kënga e saj ikonike dhe fituese e çmimit të parë të "RTSH" në 1996.

Mirëpo me sa duket kompozitori i kësaj kënge, Valentin Veizi, nuk e ka pritur aspak mirë këtë duet.

Përmes një reagimi në "Facebook", ai është shprehur se dy artistët e kanë “ndotur” këngën dhe kanë sjellë versionin më të keq të saj, e për më tepër nuk kanë marrë leje për t'a ndryshuar.

Reagimi i plotë:

MOS MA BËNI PIS KËNGËN !

Sot kam marrë shumë mesazhe e telefonata nga shokë e miq, dashamirës e simpatizantë të muzikës sime të indinjuar në lidhje të një varianti të këngës “Pyes Lotin” që është kënduar nga Elsa Lila edhe Capital T në natën e tretë Festivali 61 i RTSH-së, duke qenë se s’kam patur mundësi të ndjek festivalin e kërkoj edhe e dëgjoj në YouTube këngën, më bënë përshtypje (indinjuan) dy gjëra : e para nuk e di kush ka marrë guximin e ka pasur kurajon të ma bej “pis” këngën time, mirë që nuk kane aftësinë profesionale për të “rifreskuar” apo të sjellin ndryshe një këngë, por këta nuk kanë as edukatën edhe as respektin të paktën të kontaktojnë për të marrë lejen e autorit .

së dyti :Ti (kushdo)mund të rikëndosh një këngë, por nuk ke asnjë të drejte të ndryshosh e të denigrosh këngën pa lejen e autorit ,(kompozitorit). Me lini t’ja u them troç edhe një herë Lilës edhe Capitalit, modeli i këngës qe ju sollët është modeli se si mund të denigrosh, shpërfytyrosh një kënge aq te bukur si kënga “Pyes Lotin” , prandaj do ti lutem Radio televizionit Shqiptar ta heqi nga çdo lloj transmetimi këtë variant të shëmtuar!