LEXO PA REKLAMA!

SHKARKO APP

Koncerti madhështor në Pallatin e Kongreseve/ 300 artistë zbresin në skenë, të ardhurat për familjet në Ukrainë

3 Dhjetor 2022, 19:43, Kulturë CNA
Koncerti madhështor në Pallatin e Kongreseve/ 300 artistë zbresin
Foto ilustruese

Sonte në Pallatin e Kongreseve po transmetohet koncerti madhështor për të festuar 110-vjetorin e Forcave të Armatosura.

Në këtë koncert do të përformojnë mbi 300 artistë nga Orkestra Simfonike e FA, Kori i FA, Banda e Ushtrisë shqipëtare dhe Bandat e ushtrive të Kosovës dhe vendeve të NATO nga SHBA, Britania e Madhe, Franca, Italia, Greqia, Maqedonia e Veriut, Kroacia dhe Sllovenia.

Kjo është hera e parë që nje event i këtij dimensioni zhvillohet në Shqipëri dhe vjen me rastin e 110-vjetorit të Pavarësisë dhe 110-vjetorit të krijimit të ushtrisë shqiptare.

Mbështetës të këtij eventi janë: Ministria e Kulturës, Bashkia Tiranë dhe ambasada e Ukrainës në Shqipëri. Drejtori artistik, Arben Skënderi tha se repertori muzikor është i përzgjedhur e se artistët këndojnë për paqen.

Të ardhurat nga shitja e biletave të këtij koncerti do të shkojnë në ambasadën e Ukrainës, me qëllim që të mbërrijnë te familjet dhe fëmijët e prekur nga lufta./ CNA.al

 

Lajmet e fundit nga