LEXO PA REKLAMA!

SHKARKO APP

Zhvatnin dhe grabitnin qytetarët te Liqeni i Tiranës/ Gjykata lë në burg dy policët

28 Nëntor 2022, 11:16, Kronika CNA

Zhvatnin dhe grabitnin qytetarët te Liqeni i Tiranës/ Gjykata lë

Gjykata e Tiranës ka vendosur masën "arrest me burg" për dy efektivët Saimir Muzikanti dhe Serxhio Cani.

Dy efektivët e policisë janë arrestuar dy ditë më parë në Tiranë, pasi u morën me forcë një shumë parash dy personave në zonën e liqenit artificial.

Saimir Muzikanti, 39 vjeç, me detyrë punonjës i Policisë Bashkiake dhe Serxho Cani, 22 vjeç, me detyrë punonjës i Patrullës së Përgjithshme të Komisariatit të Policisë nr.1.

Serxhio Cani ka mohuar se është përfshirë në grabitje. Por, provat e mbledhura nga kolegët e tij dhe oficerë të Agjencisë së Mbikëqyrjes Policore hedhin poshtë qëndrimet e 22-vjeçarit.

Ndërsa Saimir Muzikanti i kryente grabitjet gjatë kohës që ishte në krye të detyrës, gjë që faktohet edhe nga dëshmia e tij.

“Sa herë që isha turni i tretë në punë merrja në telefon Serxhion dhe i thoja hajde dalim nga Liqeni. Për shkak të kredisë që kam detyrohesha t’u merrja paratë me zor qytetarëve. Këtë gjë e kam bërë në bashkëpunim me Serxhion”, ka dëshmuar ai./CNA.al

Lajmet e fundit nga