“Çmenden” gjirokastritët/ Njëri dhunon kunatën, tjetri motrën

28 Qershor 2022, 11:59, Kronika CNA
“Çmenden” gjirokastritët/ Njëri dhunon
Foto ilustruese

Në Policinë e Gjirokastrës ditën e sotme janë bërë dy denoncime për dhunë fizike dhe psikologjike.

Një grua ka kallëzuar në polici kunatin, të cilin e akuzon për dhunë fizike dhe psikologjike ndaj saj.

Si rrjedhojë shtetasi  F. Xh., banues në fshatin Përparim, Memaliaj është shpallur në kërkim.

Ndërsa, rasti i dytë ka të bëjë me një 32-vjeçare, e cila ka denoncuar vëllanë e saj 30-vjeçar për dhunë fizike.

30-vjeçari me iniciale M.V  banues në Itali është shpallur në kërkim.

“Specialistët e Seksionit për Hetimin e Krimeve në Komisariatin e Policisë Tepelenë referuan materialet në Prokurorinë pranë Gjykatës së Shkallës së Parë Gjirokastër, për veprën penale 'Dhuna në familje', dhe shpallën në kërkim shtetasin F. Xh., banues në fshatin Përparim, Memaliaj, pasi ka bërë kallëzim kunata e tij, shtetasja Sh. Xh., se pas një konflikti për motive të dobëta, shtetasi F. Xh. ka ushtruar dhunë fizike dhe psikologjike ndaj saj.

Nga specialistët e Seksionit për Hetimin e Krimeve në Komisariatin e Policisë Gjirokastër u referuan materialet në Prokurorinë pranë Gjykatës së Shkallës së Parë Gjirokastër, për veprën penale 'Dhuna në familje', dhe u shpall në kërkim shtetasi M. V., 30 vjeç, banues në Itali, pasi ka bërë kallëzim motra e tij, shtetasja C. V., 32 vjeçe, se ky shtetas ka ushtruar dhunë fizike ndaj saj.

Vijon puna për kapjen dhe vënien përpara përgjegjësisë ligjore të shtetasve të shpallur në kërkim.”-njofton policia./CNA.al

Lajmet e fundit nga