LEXO PA REKLAMA!

SHKARKO APP

8 thika në trup nga kunati/ 30-vjeçari nga Vlora niset me urgjencë drejt Tiranës

5 Dhjetor 2022, 09:58, Kronika CNA

8 thika në trup nga kunati/ 30-vjeçari nga Vlora niset me

Mbrëmjen e djeshme një ngjarje e rëndë ka ndodhur në qytetin e Vlorës, ku u raportua se gjatë një konflikti familjar, mbetën të plagosur babë e bir.

Bëhet fjalë për Xhevdet dhe Albion Braushin, të cilët u plagosën me thikë nga kunati i tyre. 

Ngjarja ka ndodhur rreth orës  21:30, në lagjen “1 Maji”.

Albion Braushi është nisur për ndihmë mjekësore drejt Tiranës, për shkak të gjendjes së rëndë.

ABC raporton se ai ka marrë 8 goditje me thikë.

Në njoftimin zyrtar të policisë, dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, përkatësisht Xhevdet dhe Albion Braushi, 60 dhe 30 vjeç.

Babë e bir ndodhen në spital, nën kujdesin e mjekëve.

I njëjti burim thotë se Albion Braushi është në gjendje kritike për jetën dhe ka marrë mbi 8 goditje me thikë në trup. Kanë qenë kalimtarët ata që i kanë gjetur të plagosur në trotuar dhe i kanë dërguar me urgjencë në spitalin rajonal të Vlorës.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Shërbimet e Policisë po kontrollojnë zonën me qëllim lokalizimin dhe kapjen e autorit të dyshuar./CNA.al

Lajmet e fundit nga