LEXO PA REKLAMA!

SHKARKO APP

Shiste drogë në dyqanin e materialeve të ndërtimit/ Prangoset 28-vjeçari nga Kruja

4 Dhjetor 2022, 09:37, Kronika CNA
Shiste drogë në dyqanin e materialeve të ndërtimit/
Foto ilustruese

Specialistët e Seksionit për Hetimin e Narkotikëve, të DVP Durrës, në vijim të punës për goditjen e veprimtarisë kriminale në fushën e narkotikëve, pas një hetimi me metoda proaktive, bazuar dhe në informacionet e siguruara nga inteligjenca informative, për një shtetas që shiste lëndë narkotike, kanë organizuar dhe finalizuar operacionin "December", për lokalizimin dhe kapjen e tij. 

Si rezultat i këtij operacioni u arrestua në flagrancë shtetasi D. D., 28 vjeç, banues në Krujë.

Gjatë kontrollit të ushtruar në subjektin në pronësi të këtij shtetasi, me fushë veprimtarie tregtim i materialeve të ndërtimit, shërbimet e Policisë gjetën dhe sekuestruan 1 kilogram lëndë të dyshuar narkotike cannabis sativa, në formën e çokollatës.

Nga veprimet hetimore dyshohet se ky shtetas e siguronte lëndën narkotike, nëpërmjet automjeteve të transportit publik./ CNA.al

Lajmet e fundit nga