LEXO PA REKLAMA!

SHKARKO APP

30 tonë kokainë, makina luksoze, apartamente nën sekuestro/ Karamuço: Dubai jo më strehë e sigurt, do dalin edhe shqiptarë

28 Nëntor 2022, 12:00, Kronika CNA

30 tonë kokainë, makina luksoze, apartamente nën sekuestro/

Eksperti i kriminalistikës, Ervin Karamuço, thotë se Dubai ka dalë tashmë nga lista e vendeve ku strehohen trafikantët e drogës.

Kjo sipas tij, ka ndodhur pas operacioneve policore të ndërmarra atje.

“Është një megaoperacion i disa shteteve europiane, i DEA-s, janë futur edhe organet ligjzbatuese të Emirateve të Bashkuara, me sekuestrimin e 30 ton kokainë, shifër rekord, por edhe makinave të shtrenjta, shtëpitë e banimit dhe gjithçka. Ka pasur shumë të arrestuar, s’jemi në dijeni nëse ka shqiptarë. 30 tonë kokainë, është një shifër marramendëse, shkon deri në 1 miliard dollarë, mbase edhe më shumë. Është një shifër që jep një mësim shumë të mirë, që Dubai s’është më një strehë e sigurt për askënd. Ka ndryshuar qëndrimin ndaj grupeve të organizuara, tani jemi përpara një realiteti të ri, ku Dubai s’është më i sigurt për këto grupe dhe duhet të largohen nga ky vend”, është shprehur ai në "MCN live|.

Sipas tij, Emiratet e Bashkuara Arabe prej kohës janë vënë përballë një presioni, u futën edhe nga autoritetet europiane në listën gri, po kthehen në parajsa fiskale, ku paratë që përfitohen nga aktivitetet e paligjshme janë të ngurtësuara.

“Në operacionin e fundit janë sekuestruar qindra makina luksoze, apartamente, kjo tregon që bashkëpunimi do vazhdojë, dhe me këtë rast do përfshihen edhe shqiptarët. Kjo është pak, por e pashmangshme”, ka treguar më tej Karamuço./CNA.al

Lajmet e fundit nga