LEXO PA REKLAMA!

SHKARKO APP

Vrasje e plagosje në Dukagjin/ Drejtues të lartë të policisë, drejt vendngjarjes

27 Shtator 2023, 21:15, Kronika CNA
Vrasje e plagosje në Dukagjin/ Drejtues të lartë të
Foto ilustruese

Policia e Shkodrës ka dalë me një tjetër njoftim në lidhje me të shtënat në malin e Shoshit, ku u vra babai dhe u plagos i biri.

Blutë bëjnë me dije se në drejtim të Dukagjinit janë nisur drejtues të lartë të Policisë së Shtetit dhe të Drejtorisë Vendore të Policisë Shkodër dhe shërbime të Repartit Special RENEA dhe FNSh-së.

Gjithashtu në vendngjarje po shkojnë ekspertë kriminalistë dhe specialistë për Hetimin e Krimeve të Rënda nga Departamenti për Policinë Kriminale në DPPSh, me qëllim zbardhjen e rrethanave të ngjarjes, identifikimin dhe kapjen e autorit/ve.

Kujtojmë se nga të shtënat mbeti viktimë shtetasi Z. G. dhe u plagos rëndë djali i tij Gj. G.

Shkaku i ngjarjes ende nuk është bërë i ditur, ndërsa i plagosuri rezulton me precedentë penalë të mëparshëm./ CNA

Lajmet e fundit nga