web counter
LEXO PA REKLAMA!

SHKARKO APP

App Store
Google Play

E fundit!

x

Skandali “Qatargate”/ Belgjika lëshon urdhër-arrest ndaj ish-komisionerit të BE-së

23 Qershor 2026, 10:21, Kosova & Bota CNA

Skandali “Qatargate”/ Belgjika lëshon urdhër-arrest ndaj

Autoritetet belge kanë lëshuar një urdhër-arrest europian ndaj ish-komisionerit të BE-së për Migracionin dhe deputetit aktual grek, Dimitris Avramopoulos, në kuadër të hetimeve për skandalin e korrupsionit të njohur si “Qatargate”.

Avramopoulos dyshohet për përfshirje në një organizatë kriminale të lidhur me rrjetin e ndikimit të paligjshëm që është në qendër të hetimit. Prokurorët po shqyrtojnë pagesa në vlerë rreth 73 mijë euro që ai ka marrë nga organizata joqeveritare “Fight Impunity”, e themeluar nga Antonio Panzeri, një nga figurat kryesore të çështjes.

Hetimi për “Qatargate” nisi në vitin 2022, pas akuzave se Katari, së bashku me Mauritaninë dhe Marokun, kanë tentuar të ndikojnë te politikanë europianë përmes parave dhe dhuratave.

Mes personave të përfshirë në hetim janë edhe ish-zëvendëspresidentja e Parlamentit Europian, Eva Kaili, si dhe partneri i saj, Francesco Giorgi. Sipas zyrtarëve grekë, prokurorët belgë i kishin kërkuar Avramopoulos të dëshmonte vitin e kaluar, por ai nuk u paraqit.

Ish-komisioneri mohon çdo akuzë. Ai deklaroi se aktiviteti i tij me “Fight Impunity” ka qenë plotësisht ligjor, transparent dhe i miratuar nga autoritetet kompetente.

Gjithashtu, ai tha se nuk do të mbështetet tek imuniteti parlamentar dhe kërkon që çështja të hetohet deri në fund. Për ekzekutimin e urdhër-arrestit, Parlamenti grek duhet fillimisht të votojë për heqjen e imunitetit të tij parlamentar. /CNA





Lajmet e fundit nga