LEXO PA REKLAMA!

SHKARKO APP

Restoranti në Prishtinë ndalon hyrjen për shtetasit e BE-së

27 Qershor 2022, 20:16, Kosova & Bota CNA
Restoranti në Prishtinë ndalon hyrjen për shtetasit e BE-së
Restoranti në Prishtinë

Një restorant në Prishtinë, i cili ndodhet përballë zyrave të misionit të Bashkimit Europian në Kosovë, EULEX, ka vendosur mos t’i lejojë shtetasit e vendeve të BE-së që të hyjnë në lokal.

Ky është një vendim i pronarit të lokalit në formë proteste për mosliberalizimin e vizave për Kosovën.

Edhe pse dëmtohet ekonomikisht, meqë lokali i tij është i frekuentuar nga punëtorët e EULEX-it, zyrat e të cilëve janë përballë, ai nuk është pishman për këtë vendim. 

Mbishkrimin e kanë kuptuar shtetasit e huaj, dhe pronari i lokalit thotë se nuk i është dashur ta largojë dikë nga lokali.

Kosova është vendi i vetëm në Ballkan që nuk ka të drejtën e lëvizjes pa viza në zonën Shengen.

Pavarësisht se që nga viti 2018 i është thënë se ka plotësuar të gjitha kushtet, qytetarët e Kosovës vazhdojnë të jenë më të izoluarit në Europë./euronews 

Lajmet e fundit nga