web counter
LEXO PA REKLAMA!

SHKARKO APP

App Store
Google Play

E fundit!

x

"E dija se çmimi i të folurit lirshëm do të jetë i lartë"/ Koçeku: Ushtria e patronazhistëve më kërkojnë të lë mandatin

7 Korrik 2026, 15:17, Politikë CNA

"E dija se çmimi i të folurit lirshëm do të jetë

Deputetja Marjana Koçeku, e cila u largua nga Grupi Parlamentar i PS-së disa javë më parë, është shprehur përmes një reagimi se prej disa ditësh po përballet me një “ushtri patronazhistësh” dhe profilesh të rreme që i kërkojnë të lërë mandatin.

Koçeku shkruan se nuk është mësuar të keqes, që sipas saj kanë marrë formën e “mercenarëve virtualë”.

Ajo shton se bashkitë janë kthyer në garnizone të këtyre mercenarëve dhe ushtrojnë presion përmes reagimeve në komente e postime. Deputetja thotë se fjala nuk është keqpërdorur kurrë më shumë në historinë e demokracisë së këtij vendi.

Postimi i plotë:

Prej disa ditësh po përballem në rrjetet sociale me nji ushtri virtuale patronazhistësh e profilesh të rreme që më kërkojnë me e lanë mandatin.

Me e lanë mandatin e kam shumë të lehtë. Por nuk jam mësue me i hapë rrugë të keqes, që ka marrë edhe formën e këtyne mercenarëve virtualë, të organizuem prej komandantëve të tyne - funksionarë të këtij shteti - për me përbaltë e me denigrue veç pse kam zgjedhë pavarësinë e përfaqësimit në parlament.

Thuhet se janë diku 800 mijë profile të tilla që qarkullojnë. Bashkitë janë kthye në garnizone të këtyne mercenarëve dhe ushtrojnë presion të përditshëm përmes fjalës nëpër komente e postime.

Kurrë nuk asht keqpërdorë fjala ma shumë në historinë e demokracisë së këtij vendi. Dhe tash në kohë proteste vërehet mobilizimi total i tyne për me shkatërrue e denigrue çdokend që i del kritik qeverisë.

E kam ditë se çmimi i të folunit lirshëm ka me qenë i naltë, por heshtja do kishte kushtue shumë ma tepër në këtë republikë që kërkon me i luftue qytetarët e vet me fantazma, hije patronazhistësh dhe profile false.

Kjo nuk duhet me qenë republika e fallsitetit dhe e fantazmave online. /CNA





Lajmet e fundit nga