E fundit!

17:51 Aktualitet

Bashkia e Tiranës vijon t’i i fshihet përballjes me CNA

Ashtu si kryebashkiaku i arrestuar Erion Veliaj i fshihet ...

Samiti dyditor i NATO-s/ Rama udhëton drejt Ankarasë

7 Korrik 2026, 11:18, Politikë CNA

Kryeministri Edi Rama do të udhëtojë ditën e sotme drejt Turqisë për të marrë pjesë në samitin e NATO-s që do të zhvillohet në Ankara.

Fokus kryesor i diskutimeve të këtij samti do të jetë forcimi i sigurisë euroatlantike, mbështetja afatgjatë për Ukrainën dhe rritja e kapaciteteve mbrojtëse të aleatëve.

Bëhet me dije se pjesë e delegacionit të nivelit të lartë që shoqëron kryeministrin janë ministri për Europën dhe Punët e Jashtme, ministri i Mbrojtjes, drejtuesja e Shërbimit Informativ Shtetëror dhe përfaqësues të kompanisë shtetërore të prodhimit të armëve, KAYO.

Gjatë zhvillimit të Samitit, Rama do të zhvillojë një takim me Sekretarin e Përgjithshëm të NATO-s, Mark Rutte, si dhe do të marrë pjesë në sesionin e punimeve me liderët shteteve aleate.

Të nesërmen në Ankara, Kryeministri Rama do të zhvillojë gjithashtu një takim dypalësh me Presidentin e Republikës së Turqisë, Recep Tayyip Erdo?an.

Kjo pjesëmarrje konfirmon angazhimin në rritje të Tiranës në fushën e mbrojtjes, ndërsa Shqipëria synon të forcojë rolin e saj në Aleancë, duke shprehur madje ambicien për të pritur një samit të NATO-s në vitin 2027.

Në kuadër të këtij samiti, në mesditën e 7 korrikut, Shqipëria do të jetë një nga 10 vendet themeluese që do të nënshkruajnë marrëveshjen për krijimin e Bankës së Mbrojtjes.

Ky mekanizëm i ri financiar është krijuar për të mbështetur investimet në industrinë e mbrojtjes, teknologjitë ushtarake dhe modernizimin e forcave të vendeve anëtare. Nisma konsiderohet si një nga zhvillimet më të rëndësishme në fushën e sigurisë, pasi synon të lehtësojë financimin e projekteve strategjike dhe inovacionit në sektorin e mbrojtjes.

Në samit pritet të jenë të pranishëm edhe presidenti amerikan Donald Trump, presidenti ukrainas Volodymyr Zelensky, presidentja e Komisionit Evropian Ursula von der Leyen, presidenti i Këshillit Evropian António Costa, si dhe liderë e ministra nga vendet partnere të Aleancës. /CNA