E fundit!

20:00 Aktualitet

FOTOLAJM/ "Populli të uron", protestuesit torta dhe dhurata Ramës për ditëlindje

Në ditën e 35-të të protestës që përkon dhe me ditëlindjen...

Zgjedhja e kryesisë/ "Shpërthen" ish-deputeti: Në PD ka interesa mesnike, fijet i lëviz Berisha

4 Korrik 2026, 18:02, Politikë CNA

Zgjedhja e kryesisë/ "Shpërthen" ish-deputeti: Në PD ka

Ish-deputeti i Partisë Demokratike, Edmond Spaho ka bërë një tjetër reagim kritikues ndaj opozitës. Me anë të një reagimi në rrjetet sociale, Spaho shprehet se një grup në PD zgjodhi të rreshtohet pa kushte në mbështetje të qëndrimeve të gabuara të Berishës në dëm të partisë.

Ish-deputeti thotë se ky grup mendoi që duke qenë në krah të Berishës do të zgjidheshin në kryesinë e PD-së. Spaho thotë se në PD nuk ka meritë dhe demokraci, por ka grupe dhe interesa fijet e të cilave i luan të gjitha Berisha.

Sa u përket emrave të zgjedhur në Kryesi, Spaho shkruan se u zgjodhën nga Berisha emra të rinj gjasme në emër të reformimit të PD.

Postimi i Spahos

Nuk po shkruaj aspak për këtë politikane pavarësisht se edhe ajo është e dezilizionuar nga zgjedhjet për Kryesinë e PD.
Prit se do shohësh çudira të tjera kur të zgjidhen N/kryetarët, Sekretari i Përgjithshëm dhe drejtuesit e Sekretariateve.
Në të vërtetë po shkruaj për grupin në PD që zgjodhi si strategji të rreshtohej pa kushte, në mbështetje të plotë të qëndrimeve të gabuara të Berishës në raport me PD.
Të gjithë menduan që këto qëndrime do i ndihmonin të zgjidheshin në Kryesinë e PD.
Pothuaj të gjithë dështuan por ngushëllohen se nuk janë të vetmit që gabuan.
Unë njoh nja dhjetë që dolën të dëshpëruar nga rezultati.
Nja dy a tre menduan që po të më sulmonin mua publikisht, do ju rriteshin shanset për të fituar.
Morën të kundërtën, sepse në PD nuk ka demokraci, nuk ka sistem merite, ka grupe dhe tarafe, interesa meskine, fijet e të cilëve i luan të gjitha Komandanti.
Pati të tjerë që ndoqën të njëjtën rrugë por arritën të hyjnë në Kryesi.
U zgjodhën nga Doktori sepse janë të panjohur, pa kontribute politike, të lakueshëm 180°, por ende të shitshëm në publik si gjoja reformimi që po ndërmerret në PD.
Kështu ka ndodhur gjithmonë, në çdo palë zgjedhje.
Mbi të gjitha ata janë të përdorshëm. Jo se ju nuk jeni, por për ju dihet publikisht që jeni, kurse për fituesit ende jo.
Për fat të keq, jo vetëm që humbët, por nuk keni as kujt t’i ankoheni.
Nuk guxoni as të flisni publikisht nëpër emisionet tv ku ende ftoheni. Ju ka mbetur veçse të qurraviteni njëri me tjetrin në tavolina kafenesh dhe të përbetoheni që do merrni hak.
Asnjëherë nuk do merrni sepse nuk doni të kuptoni që kur ta hedhin herën e parë e ka fajin ai që ta hedh.
Po ta hodhën për herë të dytë e ke fajin ti që vdes të ta hedhin.
Disa prej jush kanë një jetë që jua hedhin dhe prapë nënshtrohen e nuk ngrenë zërin. As kur janë të humbur!
E di që nuk do ju pëlqejnë këto fjalë të miat por koka bën koka pëson./CNA