web counter
LEXO PA REKLAMA!

SHKARKO APP

App Store
Google Play

E fundit!

x

Ministri Hasani kryeson takimin për Nagorno-Karabakun në KS, thirrje për dialog dhe paqe

2023-09-22 09:59:00, Politikë CNA

Ministri Hasani kryeson takimin për Nagorno-Karabakun në KS, thirrje

Ministri për Evropën dhe Punët e Jashtme, Igli Hasani, në cilësinë e Presidentit të Këshillit të Sigurimit, ka kryesuar takimin “Armeni-Azerbajxhan” në të cilën u trajtua përshkallëzimi i fundit ushtarak në rajonin e Nagorno-Karabakut.

"Raportimet për përplasje ushtarake, me pasojë humbje në jetë njerëzish ishin shqetësuese. Kemi ndjekur me interes zhvillimet e fundit në terren. Argumentet e paraqitura nga palët ndryshojnë shumë. Azerbajxhani pretendon se Armenia po organizonte akte armiqësore. Armenia vlerëson se ky ishte një sulm ushtarak në shkallë të gjerë kundër popullsisë civile. Këto konfirmojnë brishtësinë ekstreme të situatës dhe mosbesimin e madh mes palëve", u shpreh ministri shqiptar. 

Në fjalën e tij ministri Hasani nënvizoi se pavarësisht sa komplekse mund të jenë problemet, konfrontimi ushtarak nuk është zgjidhja. Ai bëri thirrje për për përmbajtje, qetësi, paqe dhe dialog.

"Përshëndesim arritjen e marrëveshjes së armëpushimit për të ndaluar veprimet ushtarake. Të dyja palët duhet t’i përmbahen kësaj marrëveshjeje dhe të shmangin çdo përshkallëzim të mëtejshëm. Mbështesim përpjekjet Armeni-Azerbajxhan për të arritur një paqe të qëndrueshme.  Procesi i normalizimit duhet të intensifikohet. Negociatat për një traktat paqeje duhet të vijojnë. Inkurajues fakti që udhëheqësit e dy vendeve kanë rikonfirmuar publikisht angazhimin e tyre ndaj Deklaratës së Almatit. Shpresojmë që takimi i planifikuar në Yevklah do të sjellë rezultate pozitive", tha më tej ai. 

 

 





Lajmet e fundit nga