web counter
LEXO PA REKLAMA!

SHKARKO APP

App Store
Google Play

Elisa e inceneratorëve në botën e çudirave: Do e ngremë më lart SPAK-un

2024-01-20 13:36:00, Politikë CNA
Elisa e inceneratorëve në botën e çudirave: Do e
Elisa Spiropali

Elisa Spiropali, ministre e Shtetit për Marrëdhëniet me Parlamentin, e cila njihet edhe si Elisa e inceneratorëve, është në botën e çudirave. 

Një nga emrat e lidhur fort me Klodian Zoton e inceneratorëve nëpërmjet "këshillave" në Ujësjellësin e Fierit, ka reaguar pas zbulimit të fakteve se mazhoranca duke perdorur 99-çat e saj dhe vullnetaret e Enverit po i vërsulet SPAK, Strukturës së Posaçme Kundër Korrupsionit dhe Krimit të Organizuar. 

Elisa në botën e çudirave dhe inceneratorëve sërish merr flamurin për SPAK dhe na thote se e beri Edi Rama dhe PS-ja që të fuste në burg bashkepunëtorët dhe ministrat e tij.

Në një postim në rrjetet sociale, pasi ka lexuar edhe lajmet ekskluzive të CNA, ku është raportuar se Edi Rama po përdor mazhorancën parlamentare për të krijuar një komision “Ad hoc”, që ka synim të kontrollojë SPAK-un, kjo e fundit mohon lajmet se qëllimi është të sulmohet SPAK-u. 

"Thënë sa më lart, Reforma në Drejtësi është flamuri i të gjitha reformave tona, i cili jo nuk preket, po vetëm do të lartësohet me mbështetjen tonë të palëkundur dhe në bashkëpunim të ngushtë me aleatët tanë strategjikë. Ndërsa Spaku sot është një ndër arsyet e krenarisë sonë për atë flamur, i cili nuk do të ishte ngritur kurrë në këtë vend, pa Edi Ramën dhe Partinë Socialiste. Partia Socialiste nuk është as në ballkon, as në ranishte, po në krye të një lufte që vazhdon, për drejtësinë deri në fund, për Shqipërinë 2030. Të tjerat janë tym nga ballkoni mbi rrugicë, thashetheme nga ranishtja në gji të Lalzit dhe jerm nga ëndërrzgjëndra e Lulit.Fundjave të mbarë", shkruan ndër të tjera ajo në një postim në Facebook. 

Elisa thekson se gjithë informacioni që po qarkullon është i pavërtetë, pasi sipas saj PS-ja është e vendosur për Reformën në Drejtësi. 

"Një tym ka nisur nga poshtë ballkonit të rrugicës mbrapa Piramidës dhe është përhapur nëpër mexhelis me mllefin e zellshëm kundër Edi Ramës dhe PS, për t’u hedhur shqiptarëve në sy hirin e një plani djallëzor “të socialistëve të alarmuar kundër Spakut”! Kjo është nga ato të pavërtetat që janë aq qesharake sa nuk ia vlen t’i konsiderosh. Por, vlen sot për t’i këshilluar të gjithë të interesuarve t’i kthehen fjalës së kryeministrit në Kongresin e 8 dhjetorit. Aty do t’i gjejnë edhe nga nisen planet që po bëjnë socialistët, për të cilat drejtuesit politikë, kabineti qeveritar dhe drejtuesit e komisioneve të Kuvendit, u mblodhën dy ditë në Lezhë. Tre janë drejtimet e punës dhe planeve tona “djallëzore” për sa më lart: 1) Garantimi i pakthyeshmërisë së progresit të bërë deri këtu; 2) Modernizimi i çdo gjymtyre e organi të shtetit; 3) Rritja e kapitalit njerëzor të administratës publike", shkruan ministrja.

Prej disa ditësh, CNA nëpërmjet disa lajmeve ekskluzive ka raportuar se qeveria Rama do të krijojë një komision “Ad hoc”, që do të drejtohet nga Fatmir Xhafaj. Ky komision i cili do të thërrasë në Apel, SPAK-un, pra do të jetë një kontrollues për të dhe institucionet e drejtësisë. 

Në komisionin “Ad-Hoc” do të jenë anëtarë Plarent Ndreca, Ermonela Felaj, Klotilda Bushka dhe Toni Gogu dhe siç raportoi CNA të gjitha këto janë lëvizje për të marrë kontrolluar SPAK-un me mekanizma./CNA 

 

 





Lajmet e fundit nga