web counter
LEXO PA REKLAMA!

SHKARKO APP

App Store
Google Play

Meta kundër drejtësisë: E kapur nga Edi Rama

2024-01-19 13:44:00, Politikë CNA
Meta kundër drejtësisë: E kapur nga Edi Rama
Kreu i Partisë së Lirisë, Ilir Meta

Kreu i Partisë së Lirisë, Ilir Meta gjatë një deklarate për mediat ka deklaruar se drejtësia është e kapur nga kryeministri Edi Rama.

Ndërsa u pyet nëse ka biseduar me kreun e opozitës Sali Berishën, Meta u shpreh se në rastin e ish-kryeministrit kemi të bëjmë me përndjekje politike dhe përpjekje për të minuar opozitarizmin në vend.

Më tej, kreu i Partisë së Lirisë tha se, Rama nuk ka asnjë interes të bëjë reformë zgjedhore pasi nuk i interesojnë zgjedhjet e lira dhe të ndershme.

“Pa diskutim që kemi të bëjmë me një përndjekje politike dhe një përpjekje për të minuar opozitarizmin në vendin tonë.

Të gjitha këto diktohen nga Edi Rama përmes kapjes së sistemit të drejtësisë dhe përmes gjithë presioneve që ai ushtron në këtë drejtim dhe ne jemi shumë të qartë për sa i takon çështjes së reformës zgjedhore.

Së pari, që Edi Rama nuk ka asnjë interes të bëjë reformë zgjedhore se nuk ka interes për zgjedhje të lira në vendin tonë,” tha Meta./ CNA





Lajmet e fundit nga