Çelet sezoni turistik në Himarë/ Rama: Është koha që të zhvillohet si Vlora e Saranda

2025-05-03 21:37:00, Politikë CNA

Çelet sezoni turistik në Himarë/ Rama: Është koha

Kryeministri Edi Rama ishte këtë mbrëmje në Himarë, i pranishëm në çeljen e sezonit turistik. Në fjalën e shkurtër që mbajti para qytetarëve dhe të ftuarve të rastit, Rama tha se kjo është koha që Himara të zhvillohet edhe më shumë turistikisht e për nga kapaciteti dhe të kthehet në një qytet si Saranda e Vlora.

Rama e nisi me një batutë për zonën me terren të gurtë të qytetit.

“Këto pjesët e gurta janë shpikur pët të mos blerë frigorifer”,-tha Rama.

Rama tha se ky sezon do të ketë surpriza.

“Jo se janë mundësitë këtu të mëdha, por më vjen mirë që Himara është e pozicioniar për të zhvilluar edhe diplomacinë vendore. Qarqet duhet të kenë bandat e tyre frymore. Janë përgatitur surpriza spektakolare. Edhe nga punët që po bëhen, Himara do të bëhet territor që sfidon Sarandën e Vlorën”,-tha Rama.

I pranishëm në këtë event ishte edhe kryebashkiaku i Korfuzit, si një ishull në një distancë shumë të afërt, zonë me të cilën e lidh edhe turizmi. Rama nuk nguroi të bënte batuta, duke thënë se kryebashkiaku i Himarës, që ndodhej pranë homologut të tij grek, nuk po ia mëson gerqishten.