web counter
LEXO PA REKLAMA!

SHKARKO APP

App Store
Google Play

E fundit!

x

Roland Bejko, avokat i Lefter Gështenjës/ Nuk sheh 1 milion dollarët që mori nga Rilindja

2022-08-23 16:08:00, Aktualitet CNA
Roland Bejko, avokat i Lefter Gështenjës/ Nuk sheh 1 milion
Deputeti i Lulzim Bashës, Lefter Geshtenja

Roland Bejko i ka dalë sot në mbrojtje deputetit milioner të Lulzim Bashës, Lefter Gështenja.

Në një status në rrjete sociale, Bejko ka thënë se Lefter Gështenja është shqiponjë.

Në fakt, shqiponjë është, por është shqiponjë me një million dollarë që ka marrë nga tenderat e Edi Ramës nga kompania e tij.

Bejko ka deklaruar se: “Lefter Gështenja sulmohet sepse është modeli i të zgjedhurit nga qytetarët. I palodhur, i qartë në atë që bën. Çdo ditë të javës që nuk është në Parlament, është tek votuesit. Çdo fundjavë është në zonën e tij te fermerët që nuk shesin dot prodhimet e tyre, te tregtarët, te të papunët, te fshatrat e thella të Librazhdit e Prenjasit  që po boshatisen nga kurbeti. Sapo ka denoncuar mungesën e investimeve në infrastrukturën rurale, Lefterin e gjen në universitete ku dialogon projektligje, aktiv me demojratët në lagjen e tij në Tiranë, pjesëmarrës në debatet e komisioneve dhe në seancat plenare.

Lefter Gështenja është njeri që gëzon respektin e gjerë të banorëve të zonës dhe më tej. Inxhinier i zoti, sipërmarrës i suksesshëm, prind shembullor dhe mbi të gjitha njeri... shtoni kësaj fjale dhe "babaxhan" po deshët”.

Sipas tij, Gështenja është modeli i një deputeti dinjitoz dhe është mësuar të jetë kampion me mundin, sakrificën dhe djersën e ballit.

Roland Bejko, avokat i Lefter Gështenjës/ Nuk sheh 1 milion
Roland Bejko

Ai përgëzon deputetin e Bashës që ka marrë para nga Rilindja për qëndrimin që Gështenja ka mbajtur deri më tani.

“Bravo Lefter, kështu vazhdo, të gjithë do vdesim një ditë. Por, merita jote është se ti zotëri ke zgjedhur të vdesësh me dinjitet dhe jo duke u zvaritur si kërmilli në këmbët, duart, gjuhën e trupin e "udhëheqësit të madh"!

Ashtu qëndo, shqiponjë e maleve të Librazhdit. Liria nuk ka çmim!”, thekson Bejko, teksa mbron Gështenjën.

Sipas të dhënave që ka siguruar CNA.al, deputeti i Lulzim Bashës ka fituar 35 tendera me Rilindjen, 1 miliard lekë me një kompani që e ka pasur në emër të tij, në emër të gruas dhe më pas e ka kaluar në emër të tretë.

Tani, Roland Begaj duhet të na thotë, ku i gjeti, si i mori, si i fitoi Lefter Gështenja 1 milion dollarë nga Rilindja, që ne ta besojmë.

Ndërkohë pak ditë më parë, CNA.al, ka bërë një vëzhgim të formularit të deklarimit të pasurisë së Lefter Gështenjës dorëzuar në ILDKPI.

Ai deklaron se ka investuar para të fituara në emigracion, por pa përmendur asnjë shifër.

Te të gjitha pasuritë, pothuajse, te burimi i krijimit përfshin dhe të ardhurat nga emigracioni, por nuk e thotë se sa është vlera.

Dyshimet ngrihen për shkak se siç deklaron ai në formularin e dekriminalizimit, në emigracion ka qenë vetëm një vit, nga 1991-1992, ndërkohë për patundshmëri të ndryshme, justifikohet se i ka blerë me paratë e fituara atje.

Sipas tij, me një vit në emigracion, ka siguruar miliona lekë për të shtuar patundshmërinë.

Lefteri, i cili mbiemrin e parë e ka Kostenja, por që më vonë e ka ndërruar për arsye të paditura dhe që janë enigmë, është pronar i një shtëpie me dy kate në Tiranë, e ndërtuar rreth viteve 1980, me sipërfaqe ndërtimi 63 m2 mbi parcelën ndërtimore, truall 300 m2, me investim 700 000 lekë, i një shtëpie banimi të ndërtuar përgjatë viteve 1992-1995 e përbërë nga një kat nëntokë-garazh 100.4 m2, kati përdhe 109.9 m2, kati i parë 130 m2, kati i dytë 130 m2, me vlerë 6 milionë lekë, i një ambienti shërbimi në Tiranë 265 m2, me vlerë 80 mijë euro, i një shtëpi banimi në Qerret 73 m2 dhe me vlerë 25 mijë euro, pronar i një garazhi në Tiranë 80 m2 me vlerë 13 mijë euro, pronar i rreth 2 mijë m2 tokë në Tiranë me vlerë rreth 80 mijë USD dhe pronari i një makine 20 mijë euro./ CNA.al





Lajmet e fundit nga