web counter
LEXO PA REKLAMA!

SHKARKO APP

App Store
Google Play

Hetimi i SPAK/ Kryemadhi: Ka mbi 20 mijë faqe të deklarimit të pasurive

2026-03-19 21:53:00, Aktualitet CNA

Hetimi i SPAK/ Kryemadhi: Ka mbi 20 mijë faqe të deklarimit të

Ish-deputetja e Partisë së Lirisë, Monika Kryemadhi e ftuar në Top Channel ka folur për hetimin pasuror ndaj saj dhe ish-bashkëshortit të saj, Ilir Meta.

Kryemadhi tha se pronat që ata zotëronin ishin pjesë e deklarimeve të ILDKPI, janë hetuar mbi 20 mijë faqe deklarim pasurie dhe nuk është gjetur asgjë.

Më tej, Kryemadhi tha se në vitin 2009, hetimi i pasurive bëhej në mënyrë sekrete.

 

“Është shkresa dhe shkruhet konfidenciale dhe ka qenë pjesë e inspektoratit të deklarimit të pasurive. Bëhej fjalë që hetimi i pasurive në 2009 bëhej në mënyrë sekrete. Aty janë over-draftet dhe tërheqjet që ka bërë. SPAK ka problem me objektivitetin e çështjes, ata kanë marrë paratë që kemi futur por nuk kanë marrë ato tërheqjet.

Në morëm 310 mijë euro borxh, pasi duhet të derdheshin direkt në bankë. Ne kemi blerë shtëpinë direkt. Mamaja ime ia ka dorëzuar menjëherë paratë pronarit. 200 mijë e bëj derdhje dhe 200 mijë kredi afatshkurtër. Këtë e kanë hetuar drejtoria e pastrimit të parave dhe ILDK. Është hetuar, ka mbi 20 mijë faqe të deklarimit të pasurive, nuk ka rezultuar asgjë. ILDKPI ka hetuar mamanë time në qelizë, i çonte letër të gjitha institucioneve bankare”, tha Kryemadhi.





Lajmet e fundit nga