LEXO PA REKLAMA!

SHKARKO APP

App Store
Google Play

E fundit!

x

Industria dhe ndërtimi në rritje, ulet besimi i konsumatorëve në ekonomi

8 Korrik 2022, 14:24, Ekonomi CNA
Industria dhe ndërtimi në rritje, ulet besimi i konsumatorëve
Ndërtime në Tiranë. Foto ilustruese

Pavarësisht krizës së çmimeve, besimi i biznesit në ekonomi në muajin qershor është rritur me 2 pikë përqindje.

Ndikimin kryesor e ka dhënë industria dhe ndërtimi.

Banka e Shqipërisë raporton se treguesi i besimit të industrisë është rritur me 8.1% dhe ndërtimi me 7.3%, duke shënuar rritje historike.

Në industri janë rritur kontratat porositëse për shkak të kërkesës së lartë për mallra nga jashtë vendit, ndërsa ndërtimi ka rritur aktivitetin prodhues.

Edhe porositë për shtëpi raportohen në rritje, ndërsa bizneset e këtij sektori janë shprehur se në të ardhmen do të rritin çmimet për apartamentet e reja.

Në kah të kundërt me këto zhvillime shfaqet besimi i tregtisë dhe konsumatorëve në ekonomi.

Tregtia ka ulur pritshmëritë për shitjet, por edhe konsumatorët janë shprehur pesimistë për të të ardhmen si pasojë e rritjes së çmimeve.

Konsumatorët kanë reduktuar blerjet e mëdha, ndërsa bizneset e tregtisë raportojnë për ecuri më të dobët të aktivitetit të tyre dhe parashikojnë shkurtim të vendeve të punës./euronews 

Lajmet e fundit nga