web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët nuk harrohen

25 Janar 2026, 12:17, Editorial CNA

Inceneratorët nuk harrohen

Inceneratorët kanë gllabëruar qindra miliona euro nga taksat e shqiptarëve të varfër.

Një aferë që nis në Elbasan, ku kemi thjesht një kazan me naftë, shtrihet në Fier me një incenerator që nuk ka përfunduar dhe nuk është vënë në punë dhe përfundon në Tiranë, ku inceneratori thjesht nuk ekziston dhe kryeqyteti është në prag të një katastrofe.

Afera më e madhe është ajo e inceneratorit të Tiranës, pasi kemi një investim prej qindra miliona eurosh, por inceneratori nuk ekziston, është thjesht një gropë e madhe që është në prag të një katastrofe.

Dosja e hetimit të kësaj afere është në duart e një prokurori që ka zgjedhur të flejë mbi dosjen e inceneratorëve, Dritan Prençi.

Pavarësisht se para syve të tij ka faktet, provat, dokumentet, por edhe denoncimet nga opozita, Dritan Prençi vijon ta tërheqë zvarrë këtë dosje.

Për aferën e inceneratorit të Tiranës nuk kemi një akuzë për kryebashkiakun e Tiranës, Erion Veliaj, i cili ndodhet në burgun e Durrësit për 13 akuza për vepra të rënda penale, i implikuar në këtë aferë.

Për këtë i kemi treguar prokurorit Dritan Prençi me fakte dhe prova implikimin e Erion Veliajt në aferën e inceneratorit të Tiranës.

Dokumenti i parë është ai që i kthehet përgjigje Alqi Bllakos dhe Lefter Kokës nga Erion Veliaj, që bie dakord me çmimin 29 euro/ton për mbetje.

Inceneratorët nuk harrohen

Dokumenti i dytë janë 60 milionë euro për dherat, një dokument që firmoset sërish nga drejtorët e Erion Veliajt dhe çon rreth 60 milionë euro në xhepat e kompanisë, të tjera para këto që paguhen nga biznesi, por në fakt u faturohen qytetarëve në kosto në blerjen e apartamenteve apo punimeve të ndryshme që zhvillohen.

Inceneratorët nuk harrohen

Inceneratorët nuk harrohen

Një marrëveshje mund të lidhet mes kompanisë dhe kryetarit të bashkisë, por Erioni në këtë rast nuk e ka firmosur vetë, ka vënë varësit e tij, të cilët kanë përdorur edhe vulën e Bashkisë së Tiranës.

Por prokurori Dritan Prençi nuk do t’i shohë këto dokumente dhe fakte, që minimalisht do të çonin në një akuzë për kryebashkiakun e arrestuar të Tiranës, Erion Veliajn.

Prençi vepron me dy standarde. Në rastin “Balluku”, ku për një kohë të shkurtër ka konstatuar shpërdorim detyre, në rastin e inceneratorit ende nuk ka gjetur korrupsionin apo shpërdorimin e detyrës të kryebashkiakut.

Në këtë rast korrupsionin e ka të provuar dhe grupin e strukturuar kriminal, por shpërdorimin e Erion Veliajt nuk e gjen dot. Këto janë dy standardet e Dritan Prençit, që më shumë sesa një prokuror që ka në dorë dosjen e inceneratorit të Tiranës po sillet si një avokat i kësaj afere.

Por një gjë duhet të theksojmë, inceneratorët nuk harrohen dhe Dritan Prençi nuk e mbyll dot atë dosje pa shkuar tek Erion Veliaj./ CNA

 





Lajmet e fundit nga