web counter
LEXO PA REKLAMA!

SHKARKO APP

App Store
Google Play

E fundit!

x

Gazetarët nuk janë bashkëpunëtorë të grupeve të strukturuara kriminale

18 Janar 2026, 21:41, Editorial Elvi FUNDO

Gazetarët nuk janë bashkëpunëtorë të grupeve

Një sqarim i shkurtër për shumë miq dhe gazetarë.

Banda e inceneratorëve, dosja 5D, Zdromsat anonimë që nuk i dalin zot llumeve të tyre online përballë gjykatës, kanë filluar një mashtrim publik në lidhje me hetimet e SPAK për vjedhjen e disa dosjeve hetimore të disa prokurorëve në këtë institucion.

Së pari, personin Zambak Gjoni nuk e njoh, nuk e kam takuar kurrë në jetën time dhe s’ka qenë kurrë burim lajmi.

Në 12 mars të vitit 2024, kur zhvillohej gjyqi i Erion Veliajt më ka dërguar disa dosje “word” që ishin hetime, marrje në pyetje e 3 personave: një politikan, një biznesmen dhe një zonjë e panjohur nga unë.

Kam çdo mesazh dhe komunikim ku i kërkoj më tej të dhëna.

Filloj të bëj punën si gazetar.

1. Të verifikoj a ishin të vërteta këto dokumenta “word” pa firmë e vulë duke ju drejtuar institucionit përkatës.

2. Telefonoj personat në dosje. Të cilët e dinin që këto dosje po qarkullonin. Sipas hetimeve që dolën dy ditë më parë, ishin në duart e më shumë se 15 personave.

Pas disa orësh arrestohen dy persona.

GAZETARI VERIFIKON INFORMACIONIN NUK PUBLIKON DOSJE "WORD" PA FIRMË E VULË, që sot i bën me 1001 programe.

Pas gati një viti askush nuk merret me thelbin, por ngrihen mashtrime publike se u dekonspirua burimi apo u spiunua një shok prej 20 vitesh.

Nuk kam dekonspiruar asnjë burim, por kam bërë verifikim zyrtar dhe jo zyrtar. S’kam bërë kallëzim. S’jam pyetur kurrë.

Ky shoku që më ka njohur kur ka qenë në Korçë, (mashtrim sepse përpara 20 vjetësh kam qenë tek Top Show me Dudushin, përpara 23 vjetësh kam qenë në Fiks Fare dhe prej 25 vjetësh në Tiranë, prej 8 vitesh në Gjermani), ka gënjyer në deklarime përpara prokurorëve.

Kur më njeh prej 20 vitesh lindin pyetjet: Ku më ka takuar? Vendin. Me kë? Në çfarë feste apo shoqërie? Këto i përkasin një tjetër faze.

S’kam bërë kurrë kallëzim në SPAK, KURRË. Kam bërë denoncime publike, pra detyrën time.

Jam paraqitur dhe kam dorëzuar dokumentat e investigimeve duke respektuar ligjet e vendit tim, pas urdhrave të prokurorëve.

Hetimi ka nxjerrë një grup të strukturuar kriminal që kishte akses tek disa prokurorë të SPAK, përfshi këtu dosje të rëndësishme te grupeve kriminale dhe përgjime Sky Encrochat, etj.

Fatmirësisht shpëtova nga kujdesi dhe qetësia (që nuk e kam ndonjë vlerë), nuk rashë pre e një bande kriminale që vidhte hetimet e prokurorëve të SPAK dhe nuk dihet deri ku kanë shkuar, pa folur kush i urdhëronte dhe sot.

GAZETARËT NUK JANË BASHKEPUNETORË TË GRUPEVE TË STRUKTURUARA KRIMINALE.

PIKË.

Nuk është dekonspiruar asnjë burim.

Por në fakt një gazetar i përgjegjshëm kur zbulon se grupe kriminale kanë në duar hetime të rëndësishme të prokurorëve, çfarë duhet të bëjë?

Po duhej lajmi kanë vjedhur dosjet e SPAK, por këtë se dija e mësova pas njoftimit zyrtar të institucionit.

Shqip e pastër po ta dija që kishin vjedhur dosjet hetimore, do të shkoja t’i denoncoja kriminelët.

JAM GAZETAR POR SË PARI JAM QYTETAR.

Nuk vlejnë klikimet dhe audienca sa Shqipëria dhe institucionet e saj.

GAZETARËT NUK JANË BASHKEPUNËTORË TE GRUPEVE TË STRUKTURUARA KRIMINALE.

Të tillë kërkuan të më bënin dhe mua. Është e disata herë që provokohem dhe hedhin grepa.

Tjetër burimi i informacionit dhe tjetër intrigat për të më bërë mua bashkëpunëtor në krim.

Une jam gazetar aq sa mundem. Krimin dhe bashkëpunëtorët e tyre i gjeni kollaj.

ASKUSH NUK MERRET ME THELBIN QË GRABITEN DOSJE SEKRETE DHE ÇOHEN TEK KRIMINELËT ME URDHËR, POR DUAN FAJTOR GAZETARIN QË BËN PUNËN DUKE VERIFIKUAR NË 2 APO 3 BURIME INFORMACIONIN DHE NUK MERREN ME KRIMIN.

E në rast se "Le Iene" janë spiunë me investigimin e fundit në Tiranë, të tillë qofshin gjithë gazetarët dhe miqtë e mi në media.

KAQ PËR SONTE. NESËR DHE NË VIJIM TEK CNA MEDIA AVAZI.

PËRBALLË! /CNA





Lajmet e fundit nga