web counter
LEXO PA REKLAMA!

SHKARKO APP

App Store
Google Play

E fundit!

x

Mandatet shtetërore dhe partiake të kufizohen

7 Janar 2026, 20:11, Editorial Sherefedin Shehu

Mandatet shtetërore dhe partiake të kufizohen

Disa mendime që do t’i paraqisja në tryezën e 9 janarit, të organizuar nga Partia Demokratike.

Tryezë bashkëpunimi e organizuar me partitë politike opozitare, përfaqësues të shoqërisë civile dhe sindikatat.

 

Nga Sherefedin Shehu

 

Duke vlerësuar angazhimin e Partisë Demokratike për dialogun e hapur “Zgjidhje për Shqipërinë”, në pamundësi pjesëmarje fizike po shpreh opinionet e mëposhtme:

Një zgjidhje shpresëdhënëse për krijimin e një sistemi demokratik në Shqipëri dhe rikthimin e besimit qytetar tek politika, do të ishte kufizimi i mandateve politike shtetërore dhe të udhëheqësve të partive politike. Këtë e shikoj si çelësin e zgjidhjes sepse:

a)  Shqiperia nuk arriti të bëhet demokraci funksionale,

b) Historia shtetformuese dhe kultura demokratike në Shqipëri mungojnë,

c)  Partitë politike nuk garantojnë demokraci të brendshme,

d) Morali politik nuk ekziston, dhe

e)  Politika dhe qeverisja janë vënë dukshëm nën ndikimin e segmenteve kriminale.

Ndonëse kjo zgjidhje duket antidemiokratike, normimi ligjor dhe rregullator rekomandohet gjërësisht në imponimin e përmirësimit të administratimit publik në vendet ku institucionet nuk janë efektive dhe mungojnë llogaridhënia dhe kultura demokratike. Kufizimi i mandateve në sistemin politik shtetëror dhe partiak në  Shqipëri mendoj se përbën emergjencë për të garantuar demokracinë në qeverisjen e vendit, demokracinë e brendshme partiake dhe rrotacionin e munguar politik. Kufizimet e dhe përmasat e tyre mund të jenë si vijon:

a)  2 mandate radhazi ose të ndryshme në kohë për Kryetarin e Kuvendit, Kryeministrin, Presidentin dhe Kryetarët e Partive Politike.

b) Jo më shumë se 4 mandate për deputetët e Kuvendit të Shqipërisë.

Kufizimi për Kryeministrin dhe Kryetarët e Partive Politike në dukje është antidemokratik por referuar në faktorët e listuar më sipër dhe bazuar në eksperiencat ndërkombëtare, republikat Parlamentare praktikisht janë republika Kryeministrore. E njëjta gjë vlen edhe për kufizimin e mandatit të Kryetarëve të Partive politike.

Kufizimet e rekomanduara duhen bërë bazuar në një marrëveshje të gjerë politke dhe mundësisht me amendamente kushtetuese. Në pamundësi mund të bëhen edhe amendamente të ligjeve përkatëse, ndoshta për kryetarët e partive politike.

Këto propozime duhet të konsiderohen për tu zbatuar pas krijimit të Qeverisë teknike dhe zhvillimit të zgjedhjeve të përgjithshme, mbasi zbatimi i menjëhershëm i tyre do të krijonte boshllëk në luftën për rrëzimin e kësaj Qeverie të korruptuar dhe menaxhimin e tranzicionit politik afatshkurtër dhe të zgjedhjeve të përgjithshme të cilat janë të detyrueshme në situtaën e krijuar gjatë zgjedhjeve të viti të kaluar dhe hetimeve të hapura ndaj korrupsionit në kupolën qeverisëse./CNA

 





Lajmet e fundit nga