web counter
LEXO PA REKLAMA!

SHKARKO APP

App Store
Google Play

E fundit!

x

Akuzat ndaj Ballukut/ Kush i nxori mesazhet e SPAK-ut?

7 Nëntor 2025, 14:38, Editorial CNA

Akuzat ndaj Ballukut/ Kush i nxori mesazhet e SPAK-ut?

Ditët e fundit, mediat u pushtuan nga lajmi i marrjes nën akuzë për shkelje të barazisë në tenderë të zëvendëskryeministres Belinda Balluku. Menjëherë pas daljes së lajmit dhe faktin që ajo do të paraqitej në SPAK, dosja shpërtheu në media.

Mesazhet ishin nga më të ndryshmet. Një pjesë e tyre ishin në dosje, ndërsa një pjesë ishin të manipuluara.

Por rëndësi kishte për median që të publikonte sa më shumë materiale nga dosja hetimore.

Ajo që ra në sy ishte fakti që askush nuk tha "nga rrodhën këto dokumente, kush i nxori?"

Askush nuk akuzoi SPAK-un se i kishte nxjerrë këto, as Kryeministri, as komentuesit dhe militantët e paguar të Rilindjes, pushtetit, as ata "të çmendurit" që flasin për heronjtë e fëmijëve të tyre.

Këta të fundit bërtisnin, ulërinin nëpër ekrane kur doli dosja e Erion Veliajt, kur dolën përgjimet e këtij të fundit, të cilat u censuruan nga shumica e mediave. Kishte vetëm një akuzë: "I ka nxjerrë SPAK-u, i kanë nxjerrë prokurorët. Ata po i përdorin për shantazh ndaj Veliajt." 1001 budallallëqe me okë.

Kur dolën mesazhet e zëvendëskryeministres Balluku, nuk i dëgjuam analistët të thonë të njëjtat akuza.

Pse në rastin e zotit Veliaj kur CNA publikoi përgjimet i kishte nxjerrë SPAK-u, dhe tani në rastin e Erion Veliajt nuk bëhet akuza se i ka nxjerrë SPAK-u? Cili është ndryshimi?

Jemi në të njëjtën situatë. Thjesht dhe vetëm kemi një sjellje me standarde të ndryshme si të komentatorëve, edhe të analistëve, edhe të gazetarëve, por edhe të medias në përgjithësi.

Mesazhet dolën, u publikuan, por standardi mediatik është për t'u keqardhur. Pse nuk akuzojnë përsëri SPAK-un, "kush i nxori këtë herë materialet?" Apo materialet ngaqë shkuan në shumë duar, sepse ashtu ishin shpërndarë nga prokurori i çështjes, tani s'ke kë të akuzosh?

Nga rrodhën materialet e dosjes hetimore

Në fakt, e vërteta është se prokurori Dritan Prençi, pjesët e përgjimeve që lidheshin midis drejtorit të ARSH-së, Evis Berberi, dhe zëvendëskryeministres, Belinda Balluku, i ka futur edhe në dosjet e personave të tjerë që ka marrë SPAK-u nën akuzë, të cilët janë anëtarët e Komisionit të Vlerësimit të Ofertave.

Akuzat ndaj Ballukut/ Kush i nxori mesazhet e SPAK-ut?

Pyetja lind: Për çfarë arsye Dritan Prençi i ka futur këto mesazhe tek anëtarët e KVO-së, të cilët nuk janë pjesë fare e veprimeve të bëra midis Berberit dhe Ballukut?

Cila është arsyeja që prokurori i ka çuar këto përgjime në të akuzuar të tjerë që s'kanë asnjë lidhje me pjesën tjetër të çështjes?

Ose e ka bërë që të dalin, ose e ka bërë për t'i dhënë dosjen e plotë pa asnjë qëllim.

Por, përtej faktit që prokurori, ndoshta duke mos u treguar aq profesionist sa duhet për t'i ndarë dosjet dhe për të çuar te gjithsecili ato materiale që i takojnë, rrjedhja ndodhi në një moment tjetër. As SPAK-u nuk u akuzua, por u hesht.

Nga të gjitha të dhënat rezulton që furnizimin në media të informacioneve, pra rrjedhjen, ta ketë bërë një nga avokatët e anëtarëve të KVO-së që tashmë janë marrë nën akuzë.

Përgjimet nuk dolën nga SPAK-u

Pra, është shumë e thjeshtë.

Nuk dolën përgjimet nga SPAK-u, siç nuk dolën as në rastin e Veliajt, por këtë herë nuk u akuzua SPAK-u dhe avokatët u treguan aq të zgjuar sa të kujtonin se hodhën gurin dhe do të fshihnin dorën.

Në fakt, skema është e qartë. Ka qenë një prej avokatëve të anëtarëve të KVO-së. CNA ka mundur ta zbërthejë skemën. Jo për të dalë në mbrojtje të ndokujt, por për të treguar të vërtetën që ne kemi këmbëngulur këtu e shumë muaj më parë se përgjimet, mesazhet, pjesët e dosjeve nuk dalin nga prokurorët. Por janë avokatët e klientëve të tyre, të cilët kërkojnë të bëjnë zhurmë apo t'i përdorin pjesët e dosjes për interesa të tjera.

Kështu ka ndodhur ekzaktësisht edhe me rastin e Erion Veliajt, kur avokatët e këtij të fundit komunikonin me gazetarët dhe materialet publikoheshin, por atëherë akuzoheshin prokurorët e SPAK-ut.

Për më tepër kanë akuzuar edhe kreun e SPAK-ut, zotin Dumani. Ndërkohë që ata, të cilët nxjerrin përgjimet janë avokatët e të pandehurve. Dhe shikoni standardet. Në rastin "Veliaj" dhe me rastin "Balluku". Kur nxorën përgjimet e Veliajt, u bë nami. Tani që dalin të Ballukut, heshtin mediat.

Nuk akuzojnë prokurorët e SPAK-ut për nxjerrjen e përgjimeve. Kjo tregon edhe kush dirigjon nga burgu shpërndarjen e tyre dhe mediat, që të kenë një standard në rastin "Veliaj" që është i turpshëm dhe i neveritshëm, dhe rastin tjetër të zonjës Balluku, ku nuk akuzojnë prokurorët e SPAK-ut, por heshti se kush i nxori përgjimet.

Tani, në të po të njëjtën formë, janë avokatët e anëtarëve të KVO-së që i nxjerrin materialet për interesa të tyre, por këtë herë nuk akuzohet SPAK-u. Herën e parë akuzat i morën prokurorët.

Kjo është e vërteta se çfarë ndodh me materialet e hetimit, të cilat bien në duart e medias./ CNA





Lajmet e fundit nga