web counter
LEXO PA REKLAMA!

SHKARKO APP

App Store
Google Play

E fundit!

x

Për kë punojnë avokatët e Veliajt (sidomos ata anglezët)?

26 Shtator 2025, 09:33, Editorial CNA

Për kë punojnë avokatët e Veliajt (sidomos ata

Nga përsëritës lajmesh që i lexojnë nëpër portale, ende dëgjohen trumbeta për nevojën e prezencës dhe mungesën e Veliajt në mbledhjen e Këshillit Bashkiak, që pasi konstatoi zyrtarisht mungesën për më shumë se 3 muaj, vendosi t'i propozojë Këshillit të Ministrave shkarkimin e Veliajt.

Nuk ka seancë dëgjimore për një procedurë shkarkimi të nisur për shkak të mosparaqitjes në detyrë për 3 muaj rresht.

Këshilli, në këtë rast, ka për detyrë thjesht të konstatojë faktin.

Nuk kanë rëndësi arsyet sa kohë ligji nuk parashikon "lehtësira" për "mungesa me arsye".

Ndërkohë që të gjithë përfaqësuesit e PD-së në debate sqarojnë që Veliaj duhej shkarkuar, në mënyrë absurde po i japin argumente mbrojtjeje Veliajt kur thonë që ai duhet të shkonte në bashki që ta dëgjonin.

Po pse do ta dëgjonin?

Ligji thotë 3 muaj mungesë!

Çfarë do të dëgjonin? Çfarë ndryshon në arsyet që mund të ketë pasur Veliaj? Opozita në Këshillin Bashkiak kishte në mend ndonjë opsion që e shfajësonte për mungesën më shumë se 3-mujore në detyrë?

Në varësi të arsyes do të shihnin si do të votonin?

Talentet opozitare harrojnë se nëse Veliaj hynte në bashki, nuk shkarkohej dot më! Sepse në momentin që Veliaj hynte në bashki, ai praktikisht kishte shkuar në punë!

Ne nuk mund ta dimë pse Veliaj nuk kërkoi leje në prokurori për të marrë pjesë në mbledhje.

Sepse mbase mund ta kishte marrë lejen! Sot nuk mund ta dimë më si do të kishte shkuar fati i asaj kërkese. Por supozojmë që nëse Veliaj do të kishte hyrë në bashki, këshilltarët nuk e shkarkonin dot pas kësaj.

Pastaj Veliaj thjesht mund të thoshte "hajde se flasim prapë pas 3 muajsh".

Nga ana tjetër, të njëjtët avokatë që nuk e këshilluan Veliajn që të formalizonte kërkesën për leje në prokurori për të shkuar në mbledhjen e Këshillit Bashkiak, i kanë mbushur mendjen klientit të tyre që do të ankimojnë vendimin e qeverisë në Gjykatë Kushtetuese.

Vendimi i Këshillit të Ministrave për shkarkimin, në rastet kur nisma nuk është e vetë Këshillit të Ministrave (rasti i mungesës për 3 muaj), është akt administrativ i zakonshëm, që ankimohet në Gjykatën Administrative.

Rasti kur propozimi vjen nga Këshilli Bashkiak, nuk ankimohet në Gjykatën Kushtetuese. Vendimi i djeshëm i qeverisë ankimohet vetëm në Gjykatën Administrative.

Avokati Genc Gjokutaj dhe ndonjë tjetër e kanë kapur këtë detaj, si dhe e kanë deklaruar edhe në disa dalje të vetat publike.

Neni i sipërcituar për shkarkimin, ka 3 raste kur mund të iniciohet shkarkimi.

2 rastet e para janë me nismë të vetë Këshillit të Ministrave.

Këto raste ankimohen në Gjykatën Kushtetuese.

Rasti i tretë është ky që është zbatuar për shkarkimin e Veliajt.

Pra: Këshilli Bashkiak propozon, Këshilli i Ministrave vendos!

Ky rast ankimohet në Gjykatën Administrative.

Dhe avokatëve të Veliajt, shqiptarë e të huaj, mesa duket nuk i ha shumë meraku për klientin e tyre./CNA

 





Lajmet e fundit nga