Erion Veliaj, ose ai burri që nxjerr gruan t'i KUROJË paratë

13 Gusht 2024, 17:41, Editorial CNA

Erion Veliaj, ose ai burri që nxjerr gruan t'i KUROJË paratë

Erion Veliaj dhe Ajola Xoxa

Deri ditën që Erion Veliaj u bë kryetar i Bashkisë Tiranë, Ajola Xoxa nuk kishte asnjë ëndërr tjetër përveç karrierës në fushën e jurisprudencës.

Kësaj karriere u nxitën t'i shërbenin edhe juristë të njohur.

Ajola u pa që të niste angazhimet në panelet e Reformës në Drejtësi që sapo kishte nisur implementimin.

Zyra e avokatisë u bë krenaria e Ajola Xoxës, teksa e deklaronte veten të suksesshme.

Prej asaj zyre sot kemi të prodhuar edhe disa deputetë të Kuvendit, që jo domosdoshmërisht shquhen si gojëtarë apo juristë.

Ajola Xoxa

Erion Veliaj me hapa të vegjël kishte nisur herët pushtimin e kuotave të pushtetit brenda Partisë Socialiste dhe stazhi i kandidatëve kalonte nga studioja juridike e Ajola Xoxës.

E themi këtë për të dëshmuar jo vetëm lidhjen profesionale të Ajolës me zyrën e avokatisë, por edhe lidhjen shpirtërore me çerdhen ku çifti Veliaj-Xoxa farkëtoi brezin e ri të Partisë Socialiste.

Por e gjitha një ditë mori fund! (Lexo këtu)

Ajola Xoxa, pas një kursi profesional në arte jo-marciale, këmbeu totalisht profesionin.

Ajola Xoxa papritur shpërtheu në biznesin e kurimit të arteve.

Në funksion të shpërthimit të pritshëm, brajtisi çdo angazhim publik të kaluar dhe çeli disa OJF, disa në emër të vet dhe disa në emër të mamasë dhe nuses së dajës së vet. (Lexo këtu)

Ajola Xoxa

Për ata që nuk e kanë idenë se në cilin treg po hidhej pa frikë Ajola Xoxa, sqarojmë se kuratorët e artit kanë ekzistuar gjithmonë, sidomos në Tiranë!

Ky biznes u siguronte personave që merreshin me të, një nivel jetese në kufijtë e ekzistencës.

Ata që kanë qenë angazhuar me këtë veprimtari, përpara Ajolës, siguronin jetesën vetëm për vete e nuk diskutohej më tej që të punësonin të tjerë. Mes shpenzimeve, qirave, taksave, faturave, kuratorët e artit të Tiranës ishin njerëz që shpesh i mbante gjallë pasioni për artin sesa të ardhurat që siguronin prej artit që kuronin.

Ky ishte tregu në ditën që Erion Veliaj vendosi që Ajola Xoxa të merret me art e të shndërrohet në manjate arti. (Lexo këtu)

Erion Veliaj, kryetari i Bashkisë Tiranë

Çdo njeri (aq më shumë kur ka në operim një biznes të shpallur të sukseshëm), do studiojë tregun që të hapet dhe zgjerohet në fusha te tjera.

E pra, ai që përshkruam më lart ishte tregu!

Çfarë tjetër studioi burri Erion Veliaj kur vendosi të “shpërthejë” bashkëshorten si kuratore arti? Çfarë pa Erion Veliaj përveç atij tregu mbijetese dhe titullit të vet si kryetar i Bashkisë Tiranë?

Kjo zbulohet thjesht nëse hapen dhe shikohen shifrat e të ardhurave të Ajola Xoxës nën siglën "HARABEL", të bizneseve të mamasë dhe të llogarive bankare të dajës së Ajola Xoxës. (Lexo këtu)

Në drejtim të familjarëve të Ajola Xoxës rrodhën që vitin e parë shumat e pagesave në euro.

Ajola Xoxa dhe Erion Veliaj

Ajola Xoxa me kurs arti, doli më e zonja sesa artistët e profesionit?

Në rrethin e artistëve veprat që "kuron" Ajola Xoxa konsiderohen mediokre. Dhe ky opinion është gjerësisht i përhapur në qarqet artistike të Tiranës. Nëse askush nuk ia thotë këtë Erion Veliajt, po ia themi ne. Ai le t’i mbyllë veshët e mos e dëgjojë.

Nuk është rastësi që dritaret e paguara si art, zhduken më shpejt sesa në llogaritë përkatëse të mbërrijnë pagesat për to. (Lexo këtu)

Kush do ta hetojë mënyrën sesi Ajola Xoxa pushtoi një treg të varfër, i cili ditën që si tregtar u shpall ajo, bashkëshortja e Erjon Veliajt, u bë frytdhënës veç për tregtaren e re?

Sot çdo artist që do të çajë në tregun e artit në Tiranë duhet të kalojë nga duart e Ajola Xoxas. Çdo projekt i siguruar prej tyre, edhe kur nuk financohet nga Bashkia Tiranë, duhet të kanalizohet në një mënyrë ose një tjetër nga Bashkia Tiranë.

Bashkia e Tiranës

Dhe rruga për tek Bashkia Tiranë dhe Erion Veliaj kalon nga “Harabel”-i i Ajola Xoxës.

Ndërsa artistët që ushtronin më parë punën si kuratorë arti po vdesin fare pas lulëzimit të Ajolës, kjo e fundit deklaron që nuk paguan as qira për vilën 2 katëshe në zemër të zonës me të kërkuar dhe më të shtrenjtë në Tiranë. (Lexo këtu)

Kjo vilë ruhet me roje 24 orë të paguar nga Bashkia Tiranë. (Lexo këtu)

E meqë pronari enigmatik, oborrin ia ka lënë në përdorim Bashkisë Tiranë, një tra parkingu me pagesë siguron jo vetëm hyrjen, por me sytë e rojeve të paguara nga Bashkia, garanton edhe vëzhgimin 24/7 të vizitorëve të herëpashershëm.

Sigurisht kuratori në këtë rast është Erion Veliaj./ CNA