web counter
LEXO PA REKLAMA!

SHKARKO APP

App Store
Google Play

E fundit!

x

Sulmuan prokurorët dhe gjyqtarët për llogari të Veliajt/ Sa herë përmenden në dosje mercenarët e tij

9 Prill 2025, 15:14, Denoncim CNA

Sulmuan prokurorët dhe gjyqtarët për llogari të Veliajt/ Sa

Pas publikimit të përgjimeve të kryebashkiakut të Tiranës Erion Veliaj për 6 ditë rresht, CNA dje siguroi vendimin e gjyqtarit të Apelit të GJKKO.

Në këtë dosje dalin në pah detaje mbi provat dhe shakqet që çuan gjyqtarin Engert Pëllumbi që të linte në fuqi masën e “arrestit në burg” për Erion Veliajn nga veprimi si grup i strukturuar kriminal deri te helmimi i provave.

 

Veliaj pas arrestimit më 10 shkurt ndërmori një fushatë mediatike ku intimidonte dhe fyente prokurorët dhe gjyqtarët. Veliaj përdori miqtë e tij në politikë, ata të cilët ai i konsideronte ushtarë, Dhomën e Avokatisë, madje dhe mediat.



Dy nga mediat kryesore të përmendura në përgjime dhe në dosje janë Gazeta “Tema” dhe portali “Shqiptarja.com” të Mero Bazes dhe Carlo Bollinos.

 

Më poshtë do të sjellim detajet se sa herë përmendet Carlo Bollino, Report Tv dhe Shqiptarja.com te përgjimet dhe më pas te vendimi i gjyqtarit të Apelit Engert Pëllumbi.

 

Carlo Bollino

Carlo Bollino përmendet në faqen 94 

Sulmuan prokurorët dhe gjyqtarët për llogari të Veliajt/ Sa

“Angazhimi i vëllait të tij, shtetasit Arbër Veliaj, bashkëshortes Ajola Xoxa, shtetasve Alban dhe Renato,për organizimin e fushatës mediatike,postimin në rrjete sociale,marrje kohë televizive dhe pastime të ndryshme në media Online si Tema, Shqiptarja.com apo edhe portale të tjera. Vihet re se shtetasi nën hetim Erjon Veliaj, por edhe bashkëbiseduesit e tij, drejtohen nga një person që përmendet në komunikime si “Redaktori”. Nga komunikimet vihet re se, shtetasi Arbër Veliaj orientohet nga shtetasi nën hetim Erion Veliaj që të takohet me gazetarët Carlo, Mero apo edhe me Mirën me qëllim që postimet në favor të tij të bëhen gjithmonë e më shpesh”, thuhet në dosje.

Në faqen 98 e cila përfshin përgjimet Carlo përmendet nga Erion Veliaj për intervistën.

Sulmuan prokurorët dhe gjyqtarët për llogari të Veliajt/ Sa

 

“25.02.2025, Në orën 11:59, Erion Veliaj bisedon me Arbrin, të cilit i kërkon që të flasë me Shqiptarja, me Temën,që çdo ditë të bëjë ndonië intervistë dhe të prodhojnë materiale edhe për portalet. Në vijim i kërkon t'i thotë Karlos apo Mirës, që nëse i bëjnë pesë pyetje, Erioni të kthen përgjigje dhe në këtë formë çdo dy-tre ditë bëjnë intervista pak më të gjata, se nuk ka mjet tjetër për ta përballuar këtë gjë që po ndodh”, thuhet në pjesën e dosjes të përgjimeve.

Sulmuan prokurorët dhe gjyqtarët për llogari të Veliajt/ Sa

Carlo Bollino pasqyrohet në dosje sërish në faqen 101, në pjesën e përgjimeve që CNA i ka sjellë dhe më parë por po i risjellim për të bërë një pasyqrim sa më të plotë të vendimit të arsyetuar të gjyqtarit Engert Pëllumbi.

 

06.03.2025. Në orën16:16, shtetasiErion Veliaj bisedon me bashkëshorten e tij, Ajola Xoxa, të cilës ndër të tjera, i kërkon që të bisedojë me Karlon e ta pyesë nëse i ka marrë përgjigjet e tij për emisionin që dotëzhvillohet sot. Ajola Xoxa e informon se nuk e ka numrin e Karlos, por Erioni e pyet “Po Albën, s'ke as Albën as Karlon”. Ajola i përgjigjet se numrin e Albës e ka dhe do ta pyesë. Erioni i thotë gjithashtu se numrin e Karlos mund t'ia jape edhe Renato”, mësohet se është diskutuar mes Veliajt dhe Xoxës.

 

Mero Baze

Mero Baze si një nga bashkëpunëtorërt më besnikë të Veliajt përmendet më shpesh edhe në përgjime edhe në konkluzionet e gjyqtarit Pëllumbi. Në faqen 94 përmendet se bashku me Carlo Bollinon.

“Nga komunikimet vihet re se, shtetasi Arbër Veliaj orientohet nga shtetasi nën hetim Erion Veliaj që të takohet me gazetarët Carlo, Mero apo edhe me Mirën me qëllim që postimet në favor të tij të bëhen gjithmonë e më shpesh”, thuhet në dosje.

Sulmuan prokurorët dhe gjyqtarët për llogari të Veliajt/ Sa

 

Mero evidentohet nga gjyqtari Pëllumbi në përgjimet e Erion Veliajt ku ky i fundit përflitet si personi që duhet të shkojë te ministri i Drejtësisë Manja për t’i kërkuar që Veliaj të mos transferohej në IEVP-në në Tiranë.

“Përpjekjet e shtetasit nën hetim Erjon Veliaj te Ministri i Drejtësisë, në mënyrë që të mos transferohet në IEVP tjetër dhe të shmanget nga kontrollet që i bëhen në dhomat e paraburgimit. Për këtë gjë, shtetasi nën hetim bisedon me bashkëshorten dhe vëllanë e tij, që të angazhojnë të njohurit, miqtë, shokët, shtetasit Mero dhe Gent Sula, të cilët duhet të kërkojnë te Ministri i Drejtësisë këtë gjë”, thuhet në dosje.

Të tjera raste kur Mero Baze përmendet CNA i ka evidentuar dhe mund t’i lexoni këtu.

Sulmuan prokurorët dhe gjyqtarët për llogari të Veliajt/ Sa

Mero Baze përveç rolit të tij si sekser përmendet edhe për editorialet e tij në Gazetën “Tema” si më poshtë ku gjyqtari Engert Pëllumbi zbardh procesverbalin e për informacionet e marra nga burimet e hapura.

“Vijon me postimin e datës 16.02.2025,ku personinënhetimpërdor disaherëshprehje fyese ndaj prokurorit Ols Dado si dhe në një rast ndaj gjyqtarit Erjon Bani. Në fund, ky procesverbal pasqyron një shkrim të gazetarit Mero Baze, të datës 28.02.2025, të botuar në Gazeta “Tema”, me titull “Standardet etike të Veliajt ndaj prokurorit dhe standardet ligjore të prokurorit ndaj Veliajt” thuhet në dosje në faqen 104.

Veliaj më 13 mars u la në burg nga gjyqtari i Apelit, Engert Pëllumbi. Në këtë seancë iu komunikua dhe akuza e tretë për “futje të sendeve të paligjshme në qelitë e paraburgimit”./CNA





Lajmet e fundit nga