web counter
LEXO PA REKLAMA!

SHKARKO APP

App Store
Google Play

E fundit!

x

U eliminua nga kundërshtarët apo e inskenoi/ Pikëpyetjet mbi zhdukjen e mistershme të Ervis Martinajt

11 Gusht 2022, 12:31, Aktualitet CNA

U eliminua nga kundërshtarët apo e inskenoi/ Pikëpyetjet mbi

Ervis Martinaj, personin më i kërkuar i momentit nga drejtësia, raportohet se është zhdukur.

Lajmi është bërë i ditur fillimisht nga gazetarja Klodiana Lala, e cila i është referuar kallëzimit të familjarëve dhe konkretisht të xhaxhait, Faik Martinaj.

Policia ka nisur hetimet për këtë zhdukje që ngre shumë pikëpyetje pasi dyshohet edhe për inskenim.

Ervis Martinaj vjen nga bota e krimit dhe versionet si ajo e zhdukjes, eliminimit pa gjurmët nga rivalët qëndron, por edhe inskemi për t’i shpëtuar drejtësisë dhe për t’u hakmarrë është një tjetër version.

Ndërkaq, "ABC News" shkruan se Ervis Martinaj u pa për herë të fundit, publikisht në qytetin e Laçit është parë më 18 korrik, datë kjo kur iu dha lamtumira e fundit tri viktimave që u vranë në Fushë-Krujë, (kushëririt të tij) Brilant Martinaj, Besmir Hoxha dhe Diklen Vata.

Sipas së njëjtës media makina “Toyota Land Cruiser” e blinduar, me të cilin lëvizte Ervis Martinaj, ka shoqëruar të gjithë vijimin drejt banesës së fundit të të tre të vrarëve.

Kjo është fotoja e publikuar nga "ABC News".

U eliminua nga kundërshtarët apo e inskenoi/ Pikëpyetjet mbi

Kush është Ervis Martinaj

Ervis Martinaj është konsideruar si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin. Ervis Martinaj është përmendur edhe në Gjyqin ndaj Emiliano Shullazit.

U eliminua nga kundërshtarët apo e inskenoi/ Pikëpyetjet mbi

Martinaj ka qenë pronar i disa pikave të basteve dhe kazinove dhe është përmendur në 2016 për ngjarje të rënda kriminale. Emri i tij u lakua edhe për vrasjen e bankierit Artan Santo. Gjatë kontrollit në magazinën e tij në Fushë-Kuqe u gjetën dy skafandra të ngjashme me ato që përdorën vrasësit e bankierit, por ai nuk u implikua në këtë rast, sepse nuk kishte prova.

Po ashtu Martinaj ishte i përfshirë në vrasjen e ndodhur në Bllok, ndërsa pas kësaj ngjarjeje ai u arrestua, por më pas u la i lirë pasi pagoi një shumë të madhe parash. Emri i Ervis Martinajt, doli në skenë edhe pas dëshmisë së vrasësit me pagesë Nuredin Dumani. Ai rrëfeu se Martinaj i kishte ofruar 500 mijë euro, për eliminim e Endrit Dokles, numrit 2 të Bandës së Durrësit.

Zhdukja e mistershme e Enver Stafukës

U eliminua nga kundërshtarët apo e inskenoi/ Pikëpyetjet mbi
Enver Stafuka

Ndërkohë, Policia ka shumë punë për të zbardhur këtë rast.

Nëpër botë janë të dëgjuara raste të tillë, që edhe janë inskenuar apo edhe që janë eliminuar nga rivalët, ndërsa në Shqipëri, një rast i ngjashëm me Martinajn është rasti i Enver Stafukës, i zhdukur në mënyrë të mistershme.

Tetë vitë nga zhdukja e tij dhe ende nuk ka asnjë gjurmë, përveçse thashetheme se është vrarë dhe djegur./CNA.al





Lajmet e fundit nga