LEXO PA REKLAMA!

SHKARKO APP

Gjokutaj ironizon drejtësinë/ Edi Rama si gjyqtar, sekretar, prokuror, avokat dhe i pandehur

10 Gusht 2022, 16:05, Aktualitet CNA
Gjokutaj ironizon drejtësinë/ Edi Rama si gjyqtar, sekretar, prokuror,
Avokati Genc Gjokutaj

Avokati Genc Gjokutaj ka inskenuar një çështje gjyqësore në Gjykatën e Posaçme për Korrupsionin dhe Krimin e Organizuar (GJKKO) dhe ka ironizuar sistemin e drejtësisë.

Me anë të një statusi në rrjetet sociale, Gjokutaj e cilëson kryeministrin Edi Rama si gjyqtar, sekretar gjyqësor, prokuror, avokat dhe të pandehur.

Ai shprehet se në fund të procesit, është deklaruar fajtor prokurori i lëkundur dhe është shpallur i pafajshëm i pandehuri. Më tej, avokati thekson se për çështjen gjyqësore nuk ia vlen të bësh ankimim.

“Vendim

Sot Gjykata Antikorrupsion e përbërë nga: 

Edi Rama - gjyqtar

Asistuar nga sekretari gjyqësor Edi Rama, me pjesëmarrjen e prokurorit pranë SPAK Edi Rama shqyrtoi çështjen penale me dyer të mbyllura në ngarkim të të pandehurit:

Edi Rama i akuzuar për veprën penale të “korrupsionit pasiv të zyrtarëve të lartë”, i mbrojtur nga Av. Edi Rama si e shqyrtoi çështjen në tërësi pasi dëgjoi prokurorin, i cili fajësine e la në çmim të gjykatës, avokatin që u shpreh i çuditur për akuzën si dhe të pandehurin i cili kërkoi Drejtësi.

Vendosi:

Deklarimin fajtor të Prokurorit të lëkundur në qëndrimin ndaj akuzës.

Deklarimin e pafajshëm të të pandehurit Edi Rama për veprën penale që u akuzua.

Kundër këtij vendimi mos bëni ankim se nuk ja vlen barra qiranë!

U shpall sot në orën 00.00 me orën e Washingtonit! G”, shkruan Gjokutaj./ B.A. - CNA.al

Lajmet e fundit nga