web counter
LEXO PA REKLAMA!

SHKARKO APP

App Store
Google Play

Prapavija e sulmeve të Digitalb/ Çfarë fshihet pas kronikave kundër platformës "TIBO"?

10 Gusht 2022, 20:43, Aktualitet CNA
Prapavija e sulmeve të Digitalb/ Çfarë fshihet pas kronikave
Digitalb

Më datë 8 gusht, Digitalb koordinoi publikimin e dy kronikave në "Top Channel" dhe "Tv Klan", të cilat synonin të bënin pis imazhin e platformës "TIBO", asgjë e re.

Këto janë metodat e vjetra të të bërit biznes nga Digitalb, baltë dhe lojëra të pista.

Por kjo konfirmon edhe njëherë se konkurrenca në treg po ia shtrëngon lakun oligopolit, që prej dy dekadash ka mbajtur mbërthyer publikun në varësi të interesave personale të një grupi njerëzish me influenca ekonomike dhe politike.

"TIBO" sqaron opinionin se dy kronikat e 8 gushtit kanë si prapavijë dy zhvillime domethënëse.

I pari lidhet me gjyqin që "TIBO" ka me Digitalbin për pishjen e njëanshme të kontratës së parapaguar të bashkëpunimit. E vërteta është se kjo platformë nuk konkurron në treg. Ajo ka mbijetuar kaq gjatë vetëm duke kapur kontratat përmes ndikimeve dhe ndarjes së tregut.

Digitalb e prishi bashkëpunimin me "TIBO"-n për hakmarrje, pasi dështoi të siguronte të drejtat e transmetimit të kampionatit italian të futbollit Seria A, por çështja është në gjyq dhe llogaritë flasin rëndë për Digitalb-in, që do ta paguajë shtrenjtë dëmshpërblimin prej 8 milionë eurosh.

Zhvillimi i dytë ka të bëjë me tenderin e parë me garë të mbajtur për të drejtat e kampionatit shqiptar të futbollit. Digitalb ka humbur sërish dhe nuk e përtyp dot faktin se për herë të parë në dy dekadat e fundit nuk do ta transmetojë ajo kampionatin shqiptar të futbollit.

Këto dy zhvillime janë arsyet e vërteta që shtyjnë Digitalb-in në gjuajtjet me baltë. Çdo gjë tjetër është sajesë./ CNA.al





Lajmet e fundit nga