web counter
LEXO PA REKLAMA!

SHKARKO APP

App Store
Google Play

E fundit!

x

Tri vendime historike nga Gjykata e Strasburgut për magjistratët shqiptarë

23 Qershor 2026, 11:33, Aktualitet CNA

Tri vendime historike nga Gjykata e Strasburgut për magjistratët

Ish-ministri i Drejtësisë, Eduard Halimi, shprehet përmes një reagimi në rrjete sociale se Gjykata e Strasburgut ka dhënë sot tri vendime historike për magjistratët shqiptarë.

Më konkretisht, Gjykata Europiane për të Drejtat e Njeriut ka dhënë vendime për rastet: Osmani v. Albania (nr. 7780/20), Kadana v. Albania (nr. 50295/20) dhe Elezi v. Albania (nr. 17141/21).

Halimi shkruan se Gjykata e Strasburgut ka konstatuar shkelje flagrante të nenit 8 të Konventës për shkarkimet në veting dhe ka kërkuar rishikim të procedurave dhe rikthim në sistem të magjistratëve Gentian Osmani, Izet Kadana dhe Ferdinand Elezi.

Ndërkohë shprehet se tre magjistratëve iu ndërpre padrejtësisht një karrierë e ngritur me mund, përkushtim dhe sakrifica të mëdha.

Postimi i plotë: 

3 VENDIME HISTORIKE SOT NGA STRASBURGU PËR MAGJISTRATËT SHQIPTARË
Sot, 23 qershor 2026, Gjykata Evropiane për të Drejtat e Njeriut (Seksioni i Tretë) ka dhënë vendime në rastet:

- Osmani v. Albania (nr. 7780/20),

- Kadana v. Albania (nr. 50295/20)

- Elezi v. Albania (nr. 17141/21).

Strasburgu konstaton shkelje flagrante të nenit 8 të Konventës për shkarkimet në vetting, pasi ato nuk ishin proporcionale.

Gjykata kërkon rishikim të procedurave dhe rikthim në sistem.

Urimet më të sinqerta për tre magjistratët të cilëve iu ndërpre padrejtësisht një karierë e ngritur me mund, përkushtim dhe sakrifica të mëdha.

Tani është radha e Gjykatës Kushtetuese të vendosë drejtësi, të rikthejë dinjitetin e tyre dhe të garantojë zbatimin e standardeve evropiane.

Ata që i anatemuan dhe i linçuan publikisht, kanë minimumin detyrë morale të kërkojnë falje ndaj tyre dhe familjeve të tyre. /CNA





Lajmet e fundit nga