LEXO PA REKLAMA!

SHKARKO APP

“SPAK ka prodhuar një vlim të vërtetë”/ Analisti i Bashës: Tension i lartë mes Ramës dhe Veliajt

13 Shkurt 2024, 08:38, Aktualitet CNA

“SPAK ka prodhuar një vlim të vërtetë”/ Analisti

Gjatë mbledhjes së Asamblesë së PS-së dy ditë më parë, socialistët kanë shpërthyer në kritika kundër kryebashkiakut Erion Veliaj.

Sipas analistit të Bashës, Fitim Zekthi mes kryeministrit Edi Rama dhe kryebashkiakut Veliaj ka një tension të lartë që vjen nga lufta e brendshme që është vitalizuar nga SPAK-u.

Analisti i Bashës ka deklaruar në emisionin "Opinion" se goditja e SPAK-ut ka prekur ekuilibrat në PS dhe kjo ka prodhuar një vlim të vërtetë.

“Për mua po, është një tension i lartë. Jo vetëm mes Ramës dhe Veliajt. Unë mendoj që Rama mund të jetë shumë i shqetësuar për luftën e brendshme që mund të jetë vitalizuar nga SPAK-u. E ka prekur PS në disa ekuilibra shumë të brishtë. Disa njerëz po goditen dhe ata që po goditen duan të mbrohen duke i kërkuar Ramës mbrojtje. Rama nuk i mbron dot dhe kjo ka prodhuar një vlim të vërtetë aty brenda.

Erion Veliaj ka një pol të caktuar, Taulant Balla përfaqëson diçka dhe ka një politikë të caktuar, Fatmir Xhafaj ndoshta, Ditmir Bushati ndoshta. Por më kryesorja, PS drejtohet nga 3 komponentë të rëndësishëm. Një vijë politike që është Rama me disa njerëz që nuk kanë ideologji të madhe, janë kryesisht liberal, komponentët e krimit të organizuar dhe ata të biznesit klientelist. Këto komponentë e menaxhojnë pushtetin duke marrë secila privilegje politike, ekonomike. Rënia e njërës e prish gjithë ekuilibrin. Rama gabimin politik e bëri në 2013-ën, kur mblodhi gjithkënd për të marrë pushtetin. Ajo shprehja e famshme “të mbledhim gjithë qelbësirat për të marrë pushtetin”, ka thënë Zekthi./ CNA

Lajmet e fundit nga