LEXO PA REKLAMA!

SHKARKO APP

“Nuk do t’i vihet kurrë kapak”/ Gazetari: Inceneratorët, një thes me miell që do ta shkundin

13 Shkurt 2024, 07:56, Aktualitet CNA

“Nuk do t’i vihet kurrë kapak”/ Gazetari:

Gazetari Elvi Fundo ka folur për aferën e shekullit, atë të inceneratorëve, skemën më të madhe korruptive, që ka vjedhur nga taksapaguesit shqiptarë qindra miliona euro, për të cilën po kryhen hetime dhe ish-ministra dhe zyrtarët të lartë e drejtorë bashkish janë vënë në pranga.

I ftuar në emisionin "Opinion" me gazetarin Blendi Fevziu, Fundo ka deklaruar se çështjes së inceneratorëve nuk do t’i vihet kurrë kapaku.

Gazetari nënvizon se inceneratorët janë një thes me miell që do ta shkundin, por që kurrë nuk do të mbyllet pasi është një çështje që duhet të presë një vullnet të dytë politik që të dalin përgjegjësit e vërtetë.

Fundo thekson se inceneratorët duhet të ishin hetuar si një grup i strukturuar kriminal.

“Kjo do të jetë një thes me miell që do ta shkundin dhe kjo është një çështje që nuk do të mbyllet, është një çështje që duhet të presë një vullnet të dytë politik që të dalin përgjegjësit e vërtetë. Këta kanë marrë të njëjtët njerëz, tre inceneratorë, duhet të ishin grup i strukturuar kriminal. Nuk janë një i tillë. Kemi në Elbasan një incenerator që do 2 milionë euro të punojë, që është një kazan me naftë, në Fier që nuk ka përfunduar dhe në Tiranë që nuk ekziston”, tha ai.

Më tej gazetari bëri me dije se grupi i hetuesve të atashuar pranë prokurorit Dritan Prençi po hetojnë për lidhjet korruptive, politike, por dhe pagesat që të vërtetohet se kush ka qenë mbështetja e tyre dhe ku kanë shkuar 178 milionë euro.

“Po hetojnë për lidhjet korruptive të kësaj kompanie dhe mundësive që këta si përfitues kishin lidhje me zyrtarë, shpërdorimin e detyrës, pagesat. Po hetojnë jo vetëm lidhjet politike, por edhe pagesat që të vërtetohet saktësisht se kush ka qenë mbështetja e tyre dhe ku kanë shkuar paratë”, tha ai./ CNA

Lajmet e fundit nga