web counter
LEXO PA REKLAMA!

SHKARKO APP

SPAK-u godet pasuritë e grupit kriminal/ Sekuestrohet kompania e makinave luksoze

12 Qershor 2026, 11:54, Aktualitet CNA

Detaje të reja kanë dalë në dritë nga megaoperacioni i zhvilluar këtë të premte nga Prokuroria e Posaçme në bashkëpunim me Policinë e Shtetit, që goditi një grup kriminal të përfshirë në trafik ndërkombëtar droge dhe pastrim parash.

Në kuadër të hetimeve për sekuestrimin e pasurive që dyshohet se rrjedhin nga aktiviteti i paligjshëm, SPAK-u ka vënë nën sekuestro kompaninë e njohur të tregtimit të automjeteve luksoze “Top Seven” të shtetasit O.B. Aktualisht, ambientet e këtij subjekti pranë Rrugës së Kavajës dhe mjetet që ndodheshin në të janë marrë në ruajtje nga forcat e Policisë së Shtetit.

Kjo masë pason ekzekutimin e dhjetëra masave të sigurisë ndaj personave të dyshuar si pjesë e këtij grupi, mes të cilëve biznesmenë dhe shtetas të njohur për autoritetet. Grupi hetimor vijon punën për identifikimin dhe bllokimin e çdo pasurie tjetër që dyshohet se është krijuar përmes skemave të pastrimit të parave të drogës./ CNA

 





Lajmet e fundit nga