E fundit!

12:46 Politikë

Lobim apo arsye shëndetësore?/ Berisha sqaron të vërtetën e vendimit të DASH-it

Kreu i PD-së, Sali Berisha, ka hedhur poshtë të gjitha spe...

"Mbron hajdutët dhe vjedhjen"/ Zvërneci përplas ashpër Haxhiun dhe Bushatin

11 Qershor 2026, 22:19, Aktualitet CNA

"Mbron hajdutët dhe vjedhjen"/ Zvërneci përplas

Gazetarët Baton Haxhiu dhe Andi Bushati të ftuar në emisionin “Të Paekspozuarit” janë përplasur me njëri-tjetrin në lidhje me çështjen e Zvërnecit.

Haxhiu tha se është pro Zvërnecit përveç pjesës së lagunës që duhet ta sqarojnë ambientalistët.

Ndërsa Bushati i është përgjigjur se Haxhiu për herë të parë goditi SPAK-un kur mori veprime hetimore për Zvërnecin teksa i tha se po mbron vjedhjen në mënyrë të tërthortë.

Haxhiu ka folur dhe për portestat, ku ka thënë se kjo pjesë e popullsisë nuk përfaësohet as nga PS dhe as nga PD.

Debati

Baton Haxhiu: Bushati vijon me heqjen zvarrë të liderëve pasi e meritojnë të shporren nga një gjeneratë që e projekton pakënaqësinë në këtë mënyrë. Kjo gjeneratë është heterogjene dhe është gjenerata që ka krijuar rrezik të jashtëzakonshëm për pushtetin dhe opozitën, shtresën politike, që realisht është gati 35 vjet brenda politikës, duke përfshirë edhe ne si gjeneratë që kemi kritikuar apo përkrahur liderë në momente të caktuara. Ajo që mund të them, kjo pjesë e popullsisë nuk janë të përfaqësuar as nga PS dhe as nga PD. Ajo që më dallon mua nga Bushati, unë e kam pritur një situatë të tillë dhe nuk kam shpresuar te Berisha dhe PD. Kam pritur që kjo gjeneratë të vijë kështu dhe të ndërtojë një rrëfim të ri politik. E kam kuptuar se Berisha ka qenë i vdekur politikisht. Mënyra si u zgjodh në Kuvendin e fundit, ësht një prej arsyeve pse këta protestues janë aty. Ka katër vite që flas për një model politik që po vdes dhe është pengesa kryesore për ndryshimin e Shqpërisë. Çfarë dalloj prej Bushatit? Mendoj se Zvërneci nuk është arsye. Unë jam pro Zvërnecit, hiq atë pjesën e lagunës që duhet ambjentalistët ta sqarojnë...

Andi Bushati: Me atë korrupsion, vjedhje tokash? Me atë gojore për familjen Trump? Për herë të parë ti godite edhe SPAK-un kur u mor me Zvërnecin.

Baton Haxhiu: Unë kam thënë është çmenduri që të bllokosh llogari pa bërë hetimin.

Andi Bushati: Të bllokosh vjedhjen.

Baton Haxhiu: Nuk ka njeri pro vjedhjes.

Andi Bushati: Gjen mënyra të tërthorta për të mbrojtur vjedhjen. Shoqëria është ndarë në dysh, ata që denoncojnë vjedhjen, dhe ata që gjejnë mënyra të tërthorta për ta mbrojtur vjedhjen.

Baton Haxhiu: E kam me Zvërnecin. Pa marrë parasysh kush është mbrapa. Ekziston një ide negociuese.

Andi Bushati: Rama thotë nuk ka projekt. Muftkat me 10 mijë vende pune… Nuk ke asnjë argument përveç të mbrosh vjedhjen.

Baton Haxhiu: Jo, kur shfaqet vjedhja…

Andi Bushati: Bën muuu vjedhja.

Baton Haxhiu: Ku?

Andi Bushati: Fenomeni është vjedhje. Nga momentin që mbron fenomenin, mbron hajdutët dhe vjedhjen. Kush është e mira? Zvërneci është gjëja e hajdutit me çizme për të grabitur Shqipërinë.

Baton Haxhiu: Pas kësaj hajduti me çizme e mbyll, nuk kam argument për këtë, sepse ti ke një ofendim jo argument.

Andi Bushati: Ti thua është projekt zhvillues, kur nuk di asgjë nga projekti, invstitorët, i beson qorrazi hajdutit Edi Rama. Nuk ka gazetar që nuk di asnjë fakt dhe i shërben hajdutit.

Baton Haxhiu: Edi Rama ka thënë publikisht ka investim 4.5 miliardë euro.

Andi Bushati: Siç tha për Portin e Durrësit, inceneratorët. Ti thua, e ka thënë Rama dhe dua ti besoj qorrazi. Më ka treguar historia që kur Rama hedh në treg shifra të mëdha, na e ka fut sa krahu. Ti po do të bësh qorrin?

Baton Haxhiu: Argumenti im është 4.5 mld euro. Ai ka mundësi të gënjejë ose të thotë të vërtetën në 6 muajsh e ardhshëm. Pastaj ku je ti?

Andi Bushati: Unë bëj gazetari, ti i beson qorrazi. Ke 13 vjet që ti i beson dhe ai gënjen.