E fundit!

13:22 Aktualitet

Protesta dhe takimi i PS-së/ Policia merr masat

Në vijim të masave të marra për garantimin e rendit dhe si...

“Vjedhje tokash me banda”/ Bushati debaton me Klosin: Deri më tani, 300 milionë euro nga investitorët e huaj në Zvërnec

11 Qershor 2026, 22:10, Aktualitet CNA

“Vjedhje tokash me banda”/ Bushati debaton me Klosin: Deri më

Analisti Andi Bushati debatoi ashpër këtë të enjte me Sekretarin e Përgjithshëm të PS-së, Blendi Klosi.

Të ftuar në “Të paekspozuarit”, Bushati dhe Klosi u shprehën lidhur me investimin në Zvërnec.

Bushati hodhi akuza për vjedhje tokash të marra përmes ndihmës së institucioneve.

Nga ana tjetër, Klosi tha se investitorët e huaj deri tani kanë konsumuar në Zvërnec 300 milionë euro

Pjesë nga debati:

Blendi Klosi: Sa i përket këtij debati le të themi një gjë të vërtetë. Deri tani keni thënë se nuk ka investime të huaja. Investitorët e huaj deri tani kanë konsumuar në Zvërnec 300 milionë euro.

Andi Bushati: Për vjedhje tokash.

Blendi Klosi: Pra kemi një investitor, i cili investon në prona private dhe jo shtetërore.

Andi Bushati: Në toka të vjedhura me ndihmën e hipotekës së Edi Ramës dhe prandaj nuk rrinë më shumë se 6 muaj drejtorët e hipotekës së Vlorës. Toka të marra me banda.

Blendi Klosi: Nuk është projekt për të vjedhur se investitori...

Andi Bushati: Ju doni të bëni Trumpin partner të Artur Shehut dhe më tregoni mua zhvillimin.

Blendi Klosi: Mbyllim procesin. Kemi një investim privat, një investitor të huaj që sipas propozimit të tij në projekt-idenë e tij, ka marrë edhe lejen e zhvillimit. Dhe po punohet të kthehet në projekt konkret. Ka blerë një tokë që për logjikën e investitorit është një tokë e përshtatshme për të bërë investimin që nuk ka vjedhje se këto para kanë shkuar te disa privatë.

Andi Bushati: Ja të them unë pse po vjedh shteti shqiptar.

Blendi Klosi: Për problematikën që ka me tokën, nëse toka është përfituar në mënyrë të padrejtë, SPAK po heton. Nga ky investim 4.5 miliardë dollarë , 300 milionë i ka harxhuar për të blerë tokën.

Andi Bushati: Tokën e vjedhur. Shteti partner me banditët për të vjedhur tokat.

Blendi Klosi: Shqiptarët e Shqipërisë, shqiptarët e Kosovës dhe kudo ku janë do të përfitojnë në mënyrë eksponenciale, sepse ndërtimi i atij restorti në shkallë kaq të lartë do ta vendosë Shqipërinë në një nyje tjetër turistike.