E fundit!

16:41 Aktualitet

Ambasada e SHBA, mesazh për SPAK

Ambasada e SHBA në Tiranë ka dhënë një mesazh për SPAK-un,...

Sot nis Censi/ Kisha Katolike thirrje: Mos refuzoni të tregoni besimin

18 Shtator 2023, 11:15, Aktualitet CNA

Sot nis Censi i Popullsisë dhe Banesave. I gjithë procesi i Censit do të kryhet në mënyrë digjitale përmes një tableti.

Presidenti i Konferencës Ipeshkvore të Shqipërisë, Imzot Angelo Massafra u ka bërë thirrje besimtarëve katolikë që të tregojnë besimin e tyre si dhe i ka orientuar lidhur me formën e përgjigjes.

“Ne ju inkurajojmë që ta kryeni detyrën tuaj si qytetarë të vendit ndaj Institucioneve duke iu përgjigjur pyetësorit. Gjithashtu, duam të tërheqim vëmendjen tuaj ndaj pyetjeve rreth besimit fetar dhe fesë, të cilat mbajnë përkatësisht nr. 168 dhe nr. 169 të pyetësorit brenda Modulit I me titull Informacion individual. Detyrimi i përgjithshëm për t’u përgjigjur rreth atyre pyetjeve ka edhe opsionin: “Unë preferoj të mos përgjigjem”, pasi është një e drejtë e secilit. Ne si ipeshkvij jemi të bindur se një besimtar njihet nga frytet e jetës së tij dhe jo vetëm nga një pohim rreth përkatësisë së tij fetare.

Megjithatë, pa dashur të cenojmë aspak lirinë e askujt, ne i ftojmë ngrohtësisht besimtarët katolikë, të cilët janë të bindur vërtetë se i përkasin këtij besimi dhe duan t’ju përgjigjen pyetjeve që: Për pyetjen 168 (Moduli I – Informacion individual) ku shkruhet: A praktikon ose i përket një feje ose një besimi të caktuar? Të shënoni “Po”. Për pyetjen 169 (Moduli I – Informacion individual) ku shkruhet: Cila është feja që ndjek ose i përket? Të shënoni “I krishterë – katolik”, thuhet në mesazhin e përcjellë nga kisha katolike.”, tha Imzot Angelo Massafraju.

Edhe Komuniteti Mysliman shqiptar dhe Kisha Ortodokse po ashtu kanë bërë apel që të deklarohet përkatësia fetare.

Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera.

Mbi 7 mijë e 500 anketues, mbikëqyrës dhe kontrollorë do jenë në terren, për 6 javë ku do t’ju drejtojnë qytetarëve 100 pyetje./ CNA